Të gjithë liderët e BE-së përshëndetën Bullgarinë për punën e saj aktive gjatë Presidencës Bullgare të Këshillit të BE-së mbi temën e migracionit. Këtë e tha kryeministri Bojko Borisov në Bruksel pas takimit të punës mbi çështjet e migracionit dhe dhënies së strehimit, organizuar nga Komisioni Evropian. Udhëheqësit shtetërorë dhe të qeverisë, që morën pjesë në takim, kërkuan që Komisioni Evropian të vendosë çfarë mjete buxhetore mund të riorientohen për mbrojtjen e kufijve të jashtëm të BE-së. Bullgaria nuk do të pranojë migrantët, të cilët kaluan deri tashti përmes territorit të saj për të arritur deri në Evropën Perëndimore, tha zoti Borisov para gazetarëve. Sipas kryeministrit bullgar, vendet e BE-së do të mbajnë përgjegjësinë solidare për migracionin mezi pasi kufijtë e jashtëm do të bëhen të mbrojtura dhe do të ketë një sistem për vendosjen e rojtarëve të BE-së përgjatë saj.