Bozahana Apostollova: “Librat do të jenë ura jonë drejt bullgarëve jashtë shtetit”

Foto: BGNES

Kur bëhet fjalë për letërsinë bashkëkohore bullgare, me siguri duhet përmendur një nga shtëpitë botuese më të mëdha tek ne, në krye me zonjën e parë në tregun e librave Bozahna Apostollova. Me siguri në bibliotekën e secilit adhurues të librave cilësorë në Bullgari ka të paktën një libër me logon e shtëpisë së saj botuese. Çdo vit ajo boton midis 80 dhe 100 librave të autorëve bullgarë. Merita e saj më të madhe është se zbulon autorë të rinj dhe me përkrahjen e saj formohet brezi i ri i letërsisë sonë. Por ajo nuk harron dhe autorët më të lexuar dhe më të parapëlqyer bullgarë si Stefan Canev, Stanisllav Stratiev, Rangell Vëllçanov, Petko Boçarov, Todor Nikollov, Radostina Angellova... Për 30 vitet e ekzistencës së shtëpisë së saj botuese “Zhanet 45” ajo ka botuar veprimtarinë e katër brezave krijues. Dhe disa prej tyre në shumë tirazhe.

Por para se të filloja ta krijoja këtë brez, unë i kisha botuar shkrimtarët më të mëdhenj të Bullgarisë – Ivan Dinkov, Pavell Matev, Kosta Pavllov, Vera Mutafçieva etj” – tha Bozana Apostollova dhe vazhdoi: „Ata vinin nga shtëpitë e falimentuara botuese shtetërore dhe gjetën një strehim komod tek unë. Me mua ata vazhdonin të shkruanin. Ky brez gjeti një ambient të përshtatshëm në shtëpinë time botuese dhe në sajë të tyre “Zhanet 45” u bë e njohur. Kështu përgjegjësitë e mia u shtuan shumë. Vazhdoj të marrë  dorëshkrime të reja, të cilat presin vendin e tyre në tregun bullgar. Dua të falënderoj të gjithë bullgarët, të cilët edhe sivjet ishin të pranishëm në festivalin “Plovdivi lexon”, i cili filloi më 12 qershor. Sivjet mysafirët e tij ishin dy herë më shumë krahas vitit të kaluar. Të pranishmit e përkrahën mesazhin tim – se në se çdo vit shtojmë nga një njeri në bashkësinë shpirtërore të Bullgarisë, kjo do të jetë një fitore e vërtetë për shpirtin bullgar. E mira është se ne shtojmë jo një, por shumë herë më shumë adhurues të letërsisë cilësore bullgare – nëpërmjet librave dhe lexuesve të tyre.

Bozhana Apostollova investon të gjitha mjetet e saj në botimin e librave të autorëve bullgarë. Deri tani ka botuar më se 1600 tituj, sepse ka kuptuar se kështu ajo i ndihmon autorët e rinj e të talentuar. Mendon se tani duhet të fillojë të punojë me komunitetet tona jashtë shtetit, të cilët gjithashtu e duan gjuhën e tyre amë dhe i mësojnë fëmijët e tyre të lexojnë dhe të shkruajnë në bullgarisht. Kështu pas një vizite tek bullgarët në Pragë, Bozahna ka vendosur t’i ndihmojë, duke u dërguar atyre përkthime të librave të autorëve bullgarë. Dhe më shumë për këtë ide:

Duke përmendur se po kthehem nga Praga, dua të përmend se kisha disa takime me fëmijë nga shkolla bullgare atje dhe me prindërit e tyre. Atëherë më erdhi në mendje se ëndrra ime për krijimin e bashkësive kulturore bullgare mund të dalë edhe jashtë kufijve të shtetit. Në Pragë u takova me disa përkthyes dhe propozimi im ndaj tyre ishte që çdo vit të botojmë nga të paktën 5 libra bullgare, kryesisht për fëmijë. Në Pragë jetojnë shumë bullgarë dhe kështu fëmijët e tyre do të mësojnë më lehtë bullgarisht. Librat do të jenë ura jonë drejt tyre – kështu do të kuptojnë sa njerëz të talentuar ka në Bullgari. Bullgarët atje e pëlqyen shumë këtë ide dhe më thanë se për herë të parë tek ta vjen dikush me një ide konkrete. Tani duhet ta kryejmë punën tonë dhe shpresoj se vetëm pas një viti projekti ynë do të fitojë shumë lexues në Çeki.

Përgatiti në shqip: Jordanka Ivanova

Më shumë nga rubrika

Profesoresha Zheni Zaharieva është mbajtëse e re e Urdhrit Shtetëror të Lindjes së Diellit të qeverisë japoneze

Më 3 nëntor, kur në Japoni u shënua Dita e Kulturës, qeveria e vendit lajmëroi emrat e 135 shtetasve të huaj të dekoruar me urdhra shtetërorë. Ndër ta është edhe profesoresha bullgare e pianos Zheni Zaharieva. Urdhri shtetëror i Lindjes së..

botuar më 18-11-18 10.10.PD

Piktori Andrej Daniell prezanton vepra të krijuara gjatë qëndrimit të tij të fundit në Paris

Në Galerinë “Njuans” mund të shihen 14 tablo të paprezantuara të piktorit Andrej Daniell. Ekspozita titullohet “Vende për takime”. Nëpërmjet veprave autori prezanton hapësira të imagjinuara dhe konkrete, të cilat mund të shikojmë ose të..

botuar më 18-11-17 10.40.PD

Nata Evropiane e Teatrit kthehet në një takim global me emrat e mëdhenj bullgarë të teatrit, operës dhe muzikës

Vitin e dhjetë me radhë më 17 nëntor në 12 shtete shënohet Nata Evropiane e Teatrit. Që prej disa vitesh Bullgaria gjithashtu është pjesë e kësaj nisme kulturore ndërkombëtare dhe aktivitetet kushtuara natës fitojnë një popullaritet gjithnjë e më të..

botuar më 18-11-17 8.45.PD