Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarje me adresë ballkanike

Turqia shpalli rezultatet përfundimtare të zgjedhjeve

Foto: BGNES

Komisioni i Lartë i Zgjedhjeve në Turqi shpalli rezultatet përfundimtare të zgjedhjeve presidenciale dhe parlamentare para afatit më 24 qershor. Presidenti Recep Tayyip Erdoğan mori 52.59 për qind të votave, kurse oponenti i tij kryesor nga Partia Popullore Republikane në opozitë Muharrem İnce – 30.64 për qind. Partia e Drejtësisë dhe Zhvillimit me lider Erdoganin, fitoi 42.56 për qind, kurse Partia Republikane Popullore – 22.65 për qind. Ata marrin përkatësisht 295 dhe 146 vende në Parlamentin e ri prej 600 anëtarësh.


Pierre Moscovici: “Nuk ka “program të katërt” për Greqinë!”

Foto: BGNES

Parlamenti Evropian shqyrtoi daljen e suksesshme të Greqisë nga programi i tretë dhe i fundit shpëtimtar për vendin. “Ata, të cilët flasin për “program të katërt”, gënjejnë”, deklaroi Komisionari Evropian për çështjet ekonomike dhe financiare Pierre Moscovici dhe nënvizoi se Greqia është gati të vazhdojë vetë përpara me këmbët e veta. “Evropa iu shmang skenarit për “Grexitin”, i cili do të ishte katastrofë jo vetëm për Greqinë, por edhe për eurozonën”, tha gjithashtu z. Moscovici dhe shtoi se kurrë në historinë e Bashkimit Evropian nuk ka pasur një vend tjetër, i cili të bëjë kaq shumë reforma për kaq pak vjet.


BE-ja është partneri më i madh tregtar i Ballkanit Perëndimor

Foto: mi.government.bg

BE-ja është partneri më i madh tregtar i vendeve të Ballkanit Perëndimor me afro 73 për qind të tregtisë së përbashkët të regjionit gjatë 2017-ës. Vlera e përgjithshme e tregtisë midis BE-së dhe vendeve nga Ballkani Perëndimor vitin e kaluar kap shumën prej afro 50 mlrd eurosh. Këtë e deklaroi Ministri i Ekonomisë Emill Karanikollov në një takim të ministrave të ekonomisë në Vjenë, në kuadrin e iniciativës së Procesit të Berlinit, qëllimi i së cilës është që të nënvizojë angazhimin e BE-së ndaj vendeve të Ballkanit Perëndimor, të cilat synojnë aderimin në bashkësi. Gjendja stabile politike dhe ekonomike tani për tani është baza e rritjes së investimeve në Ballkan dhe e përmirësimit të kushteve të biznesit, vuri në dukje z. Karanikollov.


BERZH-i livron një hua prej 500 mln dollarësh për Gazsjellësin Trans Adriatik

Foto: Wikipedia

Banka Evropiane për Rindërtim dhe Zhvillim do të livrojë një hua prej 500 mln dollarësh për ndërtimin e Gazsjellësit Trans Adriatik. Gjatësia e përgjithshme e gazsjellësit është 878 km, 550 prej të cilëve do të kalojnë përmes Greqisë së Veriut, 215 km – përmes Shqipërisë, 105 km – përmes Detit Adriatik dhe 8 km – përmes Italisë. Pritet që ndërtimi i tij të përfundojë gjatë vitit 2020, kur do të fillojnë edhe furnizimet e para të gazit të Azerbajxhanit për Evropën.


BE-ja i jep Serbisë akoma 41.2 mln euro nga fondet e para-aderimit 

Foto: mei.gov.rs

Në prani të Presidentit serb Aleksandër Vuçiç dhe të Komisionarit Evropian të Zgjerimit Johanes Han Ministrja serbe për Integrimin Evropian Jadranka Joksimoviç dhe udhëheqësi i delegacionit të BE-së në Serbi Sem Fabrici nënshkruan në Beograd një marrëveshje për dhënien e 41.2 mln eurosh prej Instrumentit për ndihmën para-aderuese. Vuçiç bëri të ditur gjithashtu se mjetet janë për procesin e integrimit evropian dhe për drejtësinë. Tërë ndihmën, të cilën e ka marrë Serbia këtë vit nga BE-ja, kap shumën 138 mln euro. “Mënyra e përdorimit të saj – për rinovimin e shkollave dhe të spitaleve, për rimëkëmbjen pas përmbytjeve – i tregoi shoqërisë se BE-ja është donatori më i rëndësishëm i Serbisë” – theksoi Presidenti Vuçiç.


Maqedonia ndalon importin e deleve dhe dhive nga Bullgaria 

Foto: 1tv.mk

Agjencia Maqedonase për Ushqime dhe Mjekësi Veterinare ndaloi importin dhe transitin e kafshëve të imëta ripërtypëse, të mishit dhe të produkteve të mishit, të qumështit dhe të produkteve të qumështit nga Bullgaria. Qëllimi është që të ndalohet përhapja e sëmundjes “murtaja” te dhitë dhe delet, që u ripohua më  22 qershor në Bullgari dhe është përhapur edhe në Turqi. Sëmundja ngjitëse përhapet shumë shpejt në tufa, por nuk përbën rrezik për njerëzit.

Përpiloi: Miglena Ivanova

Përgatiti në shqip: Vesella Mançeva

Më shumë nga rubrika

“Ora e Tokës” ose si ta ndryshojmë botën në 60 minuta

“Nëse secili prej nesh, pavarësisht se ku jemi, gjen 60 minuta kohë dhe ia jep Tokës, do të kemi fuqinë të mbrojmë shtëpinë tonë të përbashkët dhe ta lëmë atë më se të mrekullueshme për brezat pas nesh” – ja çfarë thonë organizatorët për eventin më të..

botuar më 24-03-23 8.30.PD

Dita Botërore e Ujit e vë theksin mbi aksesin e pabarabartë në burimet ujore

Bullgaria shënon Ditën Botërore të Ujit - 22 Mars me ngjarje të shumta në mbarë vendin. Këtë vit, tema e Ditës Botërore të Ujit të OKB-së është "Uji për Paqe", duke theksuar aksesin e pabarabartë në ujë në mbarë botën dhe nevojën për të mbrojtur dhe..

botuar më 24-03-22 6.05.PD

Efikasiteti energjetik i ndërtesave: (pa)mundësia bullgare dhe standardet e reja evropiane

Nuk do të mjaftojë më ndërtimi i ndërtesave më të gjelbra, por duhet të rinovohen edhe ato ekzistuese. Ritmi i rinovimit të ndërtesave të vjetra në Bashkimin Evropian është shumë nën pritshmëritë - vetëm 1% dhe 1.5% çdo vit, por për të arritur..

botuar më 24-03-20 5.35.MD