Në qendrën e qytetit Dobriç gjendet një monument i kulturës, i cili është pjesë e historisë së lashtë të krahinës së Dobruxhës.

Bëhet fjalë për godinën e një banje të pasur romake, e cila mbase ka shërbyer vilën e ndonjë romaku të pasur. Atje duken qartë 6 ambiente të veçanta-vend për t’u zhveshur, pishinë për procedura të ftohta, për procedura të ngrohta dhe të përziera, si dhe ambient për ngrohjen e ujit. Janë zbuluar dhe mbeturinat e sistemit të furnizimit të ujit dhe të kanalizimit. Sipas specialistëve banja është përdorur gjatë gjysmës së dytë të shekullit të 3 dhe fillimit të shekullit të 4, kur Dobruxha ka qenë pjesë e perandorisë Romake.

Rrënojat janë zbuluar dhe janë restauruar gjatë vitit 1963, por pas kësaj janë braktisur. Kohët e fundit me përpjekjet e baskisë, monumenti i vlefshëm është pastruar nga plehrat dhe bimët dhe do të bëhet një nga vendet interesante për vizituesit e qytetit.