Presidenti i SHBA-së Donald Trump ka kërkuar nga homologët e tij nga NATO-ja për t’i rritur shpenzimet për mbrojtje deri në 4 për qind prej PBB-së së vendeve të tyre. Këtë e tha Presidenti Rumen Radev para gazetarëve bullgarë në kuadrin e takimit të udhëheqësve të vendeve të Paktit në Bruksel. “Kjo është me rëndësi të madhe për të ardhmen e organizatës. Presidenti Trump e ka të drejtën, sepse çdo një vend duhet të japë kontributin e vet në botën e sotme të pasigurt. Në Bullgari mjetet për forcat e armatosura livrohen shumë vështirë” – shtoi Kreu i Shtetit. Sa i përket politikës ndaj Rusisë Radev nënvizoi se ka rekomanduar që të respektohet “metoda e dy pistave”. “Krahas politikës së përmbajtjes dhe mbrojtjes duhet të ketë dialog, t’i shmanget tonit agresiv dhe të kërkohen mënyra të normalizimit të marrëdhënieve me Rusinë” – vuri në dukje gjithashtu Presidenti bullgar.