Kristijan Vaklinov dhe Anatoli Kostov nga shoqata “Për hekurudhën me trase të ngushtë” krijuan një udhërrëfyes audio për tërë itinerarin e trenit “Rodopi”. Ai përfshin 23 pika – nga stacioni i qytetit Pazarxhik deri në atë të fshatit Dobrinishte.

Kjo është linja e vetme hekurudhore në Bullgari me trase të ngushtë – pothuaj dy herë më të ngushtë në krahasim me trasetë e zakonshme (760 më vend të 1435 mm.). Vendasit e quajnë atë “treni i vogël”, “hekurudha e vogël”, “treni i kaubojve”. Kjo linje hekurudhore i lidh tri malet – Rila, Pirin dhe Rodopi (qarqet e qyteteve Pazarxhik dhe Bllagoevgrad dhe bashkitë Septemvri, Rakitovo, Velingrad, Jakoruda, Belica, Razllog dhe Bansko), kështu edhe krahinat etnografike dhe kulturore Trakia, Rodopi dhe Maqedonia.

Në udhërrëfyesin audio turistët mund të dëgjojnë histori kureshtare për ndërtimin e lingjës, për vende interesante, për stacionin me lartësi më të madhe mbi nivelin e e detit e kështu me radhë. Teksti mund të dëgjohet në bullgarisht, rusisht, anglisht dhe për të përdoret një aplikacion online. 18 vende të tjera interesante janë përfshirë në udhërrëfyesin e qytetit Kjustendill, përsëri të përpunuar nga dy të rinjtë.