Kisha Ortodokse Bullgare më 20 korrik nderon Shën Profet Ilijan. Populli e quan këtë ditë Ilinden. Në mitologjinë e krishtere tregohet, se kur Zoti e ndante botën midis shenjtorëve, Shën Ilijas i ranë bubullimat verore. Prandaj në përfytyrimet popullore ai është zotërues i stuhive verore dhe i breshrit. Në Bullgari me këtë festë lidhet edhe një ngjarje historike nga viti 1903. Në po atë ditë u shpërthye Kryengritja e Ilindenit. Ky rebelim është një nga ngjarjet më tragjike në historinë e Bullgarisë, i cili ishte pasojë e vendimeve të Kongresit të Berlinit pas Luftës Ruso-Turke – Çlirimtare për Bullgarinë. Sot bullgarë atdhedashës shënojnë përvjetorin e 115-të të kësaj kryengritjeje duke përulur kokë para heroizmit dhe sakrificës së kryengritësve. Në Sofje homazhet janë para Monumentit të Revolucionarëve Bullgarë nga Maqedonia, Egjeu dhe Edrene.