Pjesa lindore të malit të Rodopeve është një regjion i bukur malor në afërsi me kufijtë me Turqinë dhe Greqinë dhe stina turistike aty është në kulmin e saj. Një sërë qytezash dhe rezervatesh propozojnë vende për akomodim si dhe mundësi për organizimin e foto-ekspeditave. Gjithnjë e më shumë turistë tregojnë interes ndaj kuajve nga raca “Konik” të cilët jetojnë lirisht në mal. Kuajt në Rodopet Lindore janë të përafërta me racën e kalit të egër eurasian, i cili është zhdukur gjatë shekullit të 19.

Përpjekjet për “ringjalljen” e kafshëve të zhdukur fillojnë më pare në Poloni. Aty bëjnë seleksionim të racave, për të cilat dihet se rrjedhin nga kryqëzimet me kuaj të egër. Kështu raca e krijuar merr emrin “Konik”, që do të thotë “kalë i vogël”.

12 ekzemplarët e parë të kësaj race në Bullgari janë të sjellë në rajonin e fshatit të braktisur Sbor, në rajonin e qytetit Krumovgradit gjatë shtatorit të vitit 2011 nga Holanda. Më vonë është sjellë dhe kopeja e dytë. Kafshët përshtaten shkëlqyeshëm ndaj mjedisit në Rodopet Lindore. 16 kuaj “Konik” kanë lindur gjatë këtij viti. Me ta kuajt e lirë nga kjo racë në Rodopet Lindore bëhen mbi 70.

Ekspertë holandezë propozojnë që kuajt “Konik” të marrin statut të kafshëve të egra. Kjo mund t’u sigurojë mundësi më të mëdha për ruajtjen e tyre si lloj, i cili sjell më shumë bukuri në natyrë dhe kontribuon për larminë biologjike. Në qoftë se kjo bëhet, Bullgaria do të jetë vendi i parë në Bashkimin Evropian dhe në Evropë, ku kafshë, të cilat më pare kanë qenë shtëpiake, do të shpallen për të lira dhe do të jetojnë në natyrën e egër.