“Rrugicë e pashkelur” – festival për muzikë dhome në malet Rodope

Vera është një stinë e shkëlqyer, kur mund të realizohen shumë ide krijuese. Natyra është një nga frymëzimet më të mëdha, kurse festivali për muzikë dhome me titull “Rrugicë e pashkelur” është pikërisht një ngjarje e tillë. Nga data 3 deri më 6 gusht në Kovaçevica në (Rodopet Perëndimore) qetësia e qytezës së zhytur në gjelbërim do të shkelet nga tingujt e bukur të pianos, violinës, klarinetës, violonçeli si dhe nga instrumenti më i vështirë – zëri.

Llora Çekoratova, iniciatore dhe krijuese e festivalit tregon se përse ka zgjedhur pikërisht këtë vend:

СнимкаJam shumë e lumtur se ka një interes kaq të madh ndaj kësaj ideje. Unë e adhuroj Bullgarinë dhe gjithmonë me kënaqësi kthehem këtu. Prej disa vjetëve më vërtitet në kokë ideja të bëjmë bashkë me bashkëshortin tim, violinisti Gjeorgji Vëllçev, një festival dhome. Ky është dhe një shkak që të qëndrojë më gjatë në periudhën e verës në Bullgari dhe të merrem me diçka interesante. Duke udhëtuar nëpër vend shikoj vende shumë të bukura, të cilat kanë potencialin që një gjë e tillë të mund të ndodhë. Zgjodha pikërisht Kovaçevicën, me qenë se disa shokë të mi bullgarë nga Nju Jorku, kanë ardhur nëpër këto vende dhe më treguan për bukurinë e tyre. Kështu dhe unë e vizitova Kovaçevicën dhe më bëri përshtypje të madhe. Fshati Leshten po kështu është një vend shumë interesant, si dhe fshati Ognjanovo, qyteti Goce Dellçev... Në fakt unë u dashurova me këtë pjesë të Bullgarisë, me bukurinë e saj, me ngjyrat, me njerëzit e shkëlqyer të cilët jetojnë aty, me historinë dhe traditat. Mendoj se kjo mund të jetë shumë tërheqëse dhe për miqtë e rajonit. Ideja ime është që të mund të kombinohet turizmi me muzikën, të frymëzuar nga Rodopet.


Llora Çekoratova është pianiste, me një karrierë mjaft të suksesshme krijuese të cilën e zhvillon gjatë 25 vjetëve të fundit në Nju Jork, ku jeton. Aty ajo ndihmon shumë për zhvillimin dhe shpërndarjen e kulturës muzikore bullgare. Ideja të krijojë një festival të ngjashëm tek ne po kështu është pjesë nga misioni i saj muzikor. Është mirë se ajo merr përkrahje dhe nga bashkëshorti i saj, violinisti i njohur Gjeorgji Vëllçev. Që të dy janë interpretues të cilët marrin pjesë në koncerte të ndryshme, shkojnë nëpër të gjithë botën, por asnjëherë nuk harrojnë se që ku janë nisur. Ja se çfarë shton akoma Llora:

Ajo e cila është me rëndësi për ne është të mund të përfshijmë në këtë ngjarje muzikore si banues nga Kovaçevica, kështu dhe nga qytezat e tjera përreth. Jo më pak të rëndësishëm janë dhe fëmijët. Përpara hapjes zyrtare në 3 gusht do të bëjmë një koncert fëmijësh në qytetin Goce Dellçev, në të cilin do të ftojmë fëmijë nga regjioni dhe do t’u tregojmë për muzikën klasike, për instrumentet dhe do të ekzekutojmë muzikë të bukur. Do t’i detyrojmë të ndihen një pjesë nga i gjithë përjetimi. Kolegët me të cilët do të ekzekutojmë janë Vangjel Tangërov – klarinetë, Ekaterina Tangërova – piano, Hristo Tonev – violonçel, Nikolla Takov – violinë, Veselin Todorov – violë dhe bashkëshorti im. Jemi rritur me pjesën më të madhe prej tyre. Me disa prej tyre vazhduam dhe në Juilliard School në Nju Jork. Por, tanimë jemi shpërndarë nëpër të gjithë botën. Ideja është, që kur kthehemi këtu në Bullgari, të kemi një skenë, në të cilën të mund të krijojmë bashkërisht. E kemi menduar kështu programin, që çdo një prej nesh të mund të marrë pjesë në çdo një koncert. Një nga emrat më të rëndësishëm në program është i mexosopranos Mariana Karpatova, e cila është me prejardhje nga qyteti Goce Dellçev, por prej shumë viteve këndon dhe jep mësim përtej oqeanit. Ajo tani kthehet në vendin e saj të lindjes dhe për herë të parë do të ketë mundësinë të këndojë për publikun e vet.

Përgatiti në shqip: Nataniela Vasileva

Foto: arkiv personal

Më shumë nga rubrika

Buzëqeshje të shumta dhe frymë festive

Për këngëtarët e vegjël nga kori i fëmijëve “Bodra pesen” nga qyteti Shumen muaji dhjetor është i përmbushur me ngjarje të shumta. Kori është themeluar përpara 55 vjetëve nga profesoresha Veneta Viçeva, dhe kori ka pranuar si datë për ditëlindjen..

botuar më 18-12-11 12.41.MD
Dekorimi i Michael Butten, Joan Dimçovski dhe Samuell Sollomon.

Takime profesionale dhe emocione të mëdha në Festivalin Ndërkombëtar të Kitarës në qytetin Pleven

Para disa ditëve në qytetin Pleven përfundoi edicioni i katërt i Festivalit Ndërkombëtar të Kitarës “Pleven Guitar Festival”. Themelues dhe drejtor artistik është Nikollaj Mihajllov – pedagog i ri i kitarës klasike, interpretues, autor i muzikës..

botuar më 18-12-07 9.00.PD

“Vaishnav Jan To” po e rrotullon botën për nder ndaj Mahatma Gandit

Njeriu i mirë është ai, i cili ndien dhimbjen e të tjerëve, i ndihmon njerëzit të cilët jetojnë në varfëri dhe nuk e lejon krenarinë të pushtojë vetëdijen e tij... Ai asnjëherë nuk do të thotë një gënjeshtër... Në vetëdijen e tij bashkëjetojnë që..

botuar më 18-12-06 10.25.PD