55-vjeçari Ivan Dimov po përgatitet për udhëtim, në të cilin do të kalojë 28 mijë mile detare me varkën e tij me gjatësi 6 metra. Kjo është anija më e vogël, me të cilën do të bëhet përpjekje për lundrim rreth botës. Kështu ai do të përpiqet të hyjë në librin Gines të rekordeve.

Ivan Dimov është nga Sofja, por prej shumë kohe punon jashtë shtetit. Ka lërë punën e tij për të plotësuar ëndrrën e tij të fëmijërisë dhe ta kryejë këtë lundrim rreth botës. Kur ka qenë 7 vjeçar ka bërë përpjekjen e parë për udhëtim detar me varkë. Ka marrë një copë buke, pak djathë dhe dy shishe me ujë dhe ka filluar aventurën e vet. Ka qenë shumë i vogël për ta drejtuar varkën dhe në vazhdim të tri ditëve ajo ishte lëvizur nga era dhe valët.

Pas shpëtimit të tij ëndrra për udhëtime të largëta ka mbetur. Tani varka e Ivanit është pajisur me aparate të ndryshme dhe me produkte thelbësore. Ajo do të lundrojë nën flamurin bullgar në vazhdim të nëntë muajve, pa prekur tokën. Bullgari është gati për udhëtimin. Tashmë shtatë herë e ka kaluar Oqeanin Atlantik dhe një herë atë Indian. Aventura e tij e re do të fillojë nga porti spanjoll La Corunia. Për këtë vend romakët e lashtë kanë thënë se është fundi i botës sepse që atje nuk duket tokë.