Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Festivali i kripës – një përjetim i paharrueshëm në bregun e liqenit “Atanasovsko”

БНР Новини

Liqeni “Atanasovsko” është një nga vendet më kureshtare të Bullgarisë, të cilin e vizitojnë mijëra turistë nga vendi dhe nga jashtë. Arsyet për popullaritetin e liqenit janë disa. Në vend të parë duhen përmendur kriporet dhe vetitë shëruese të baltës dhe finjës me sodë, të cilat përfitohen në mënyrë të natyrshme. Mjekimi me to ndikon pozitivisht sistemin periferik nervor dhe sistemin lokomotor, ndihmon shërimin e plagëve dhe proceset metabolike dhe rigjeneruese të trupit.

Снимка

Raporti i fundit i monitorimit për gjendjen e liqenit tregon se çdo ditë atë e vizitojë 4000 turistë. Ai është vend i preferuar për pushim dhe turizëm ornitologjik. Atje bëjnë folje dhe dimërojnë 330 lloje zogjsh. Për të kuptuar përmasat e kësaj pasurie ornitologjike, vetëm duhet përmendur se në tërë Bullgarinë janë regjistruar 420 lloje të shpendëve. Interes atje provokon laguna piktoreske – vende të tilla në Evropë shihen rrallë. Ajo është shpallur për territor të mbrojtur dhe tërë liqeni është pjesë e rrjetit Natura 2000.

Снимка

Interesante janë dhe ngjyrat e larmishme të liqenit, të cilat shpesh ndryshojnë dhe kalojnë përmes ngjyrës së kaltër, asaj të gjelbër deri në të kuqe. Ngjyra e kuqe është në sajë të sasisë së madhe të magnezit në ujë dhe në sajë të një leshteriku që jeton në ujëra shumë të kripura. Ngjyrat ndryshojnë për shkak të nxjerrjes së kripës dhe më të forta janë ato pikërisht tani në periudhën gusht – shtator.

Снимка

Për herë të gjashtë me radhë më 10 gusht liqeni “Atanasovko” do të jetë mikpritës i festivalit njëditor kushtuar kripës. Çdo vit organizatorët nga Fondacioni “Biodiversiteti” bashkë me Shoqatën bullgare për mbrojtjen e shpendëve dhe “Kriporet e Detit të Zi” SHA zgjedhin tema të ndryshme. Edicioni i sivjetshëm është me moto “Kripa e jetës”. Më shumë për programin e festivalit na tregoi Radostina Cenova – eksperte në fondacionin “Biodiversiteti”:

СнимкаNë këtë festival përpiqemi t’i tregojmë të gjita gjërat interesante të lidhura me liqenin. Organizojmë punishte për fëmijët, ekspozita, pazar, në të cilin ofrojmë produkte të prodhuara prej kripës dhe finjës me sodë, vizituesit do të degustojnë çokolatë me kripë nga liqeni, specialistë do të shpjegojnë dobitë e baltës dhe finjës me sodë. Kemi organizuar dhe një koncert, pjesëmarrësit e të cilit nuk janë shpallur – kështu do ta befasojmë publikun. Kemi përgatitur dhe një lojë me 38 pyetje, përgjigjet e të cilave vizituesit mund t’i gjejnë të fshehura në vende të ndryshme në territorin e festivalit.

Снимка

Ekspozita retrospektive tregon gjërat e arritura nga ekipi për sa i përket mbrojtjes së habitateve të shpendëve dhe kafshëve, kështu edhe në lidhje me zgjidhjen e problemit me cilësinë e ujit në lagunë. Dhe në se nuk keni frikë se do të bëheni pis, mund të merrni pjesë në konkursin “Mr dhe Miss Baltë”.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Foto: facebook.com/kreposttamogilitsa

Rrjedha e epërme e lumit Arda - vetëm për aventurierë, njohës të natyrës së egër dhe gustatorë

Rrjedha e epërme e lumit Arda në Rodopet Perëndimore fsheh një sërë fshatrash të vegjël me shtëpi tipike prej guri dhe çati me tjegulla, ndërsa popullsia vendase zhvillon me sukses turizmin rural dhe aventurë. Smiljan, Gorna Arda, Mogilica, Sivino dhe..

botuar më 24-03-28 7.30.PD

Pritshmëritë për sezonin turistik veror janë pozitive

Krahasuar me sezonin e kaluar, regjistrimet e hershme në pushimoret e bregdetit jugor të Detit të Zi u rritën me rreth 10-20%, jofton korrespondentja e BNR në Burgas Nina Rangellova. Përveç bullgarëve priten edhe mysafirë nga Gjermania, Anglia,..

botuar më 24-03-25 11.13.PD

"Bullgaria është brutalisht e lezetshme" - shihni këta shembuj unikë të arkitekturës sonë të vrazhdë

Godinat e ndërtuara gjatë periudhës socialiste padyshim që formojnë një pjesë të madhe të gjeneratave në Bullgari, thonë entuziastët e projektit digjital “Bullgaria në pëllëmbë të dorës”, i cili e prezanton vendin tonë në mënyrë jo standarde përmes..

botuar më 24-03-17 8.25.PD