Shoqëria diplomatike bullgare kërkon respektimin e ligjit gjatë rotacionit të 20 diplomatëve

Sivjet më se 20 diplomatë në ambasadat dhe përfaqësitë e përhershme bullgare do t’i shtrohen procesit të rotacionit. Me interes dhe shqetësim ndjekim propozimet e ndryshme dhe thashethemet para këtij rotacioni. Disa pohojnë se “makina” për lëshimin e pasaportave zyrtare dhe diplomatike për persona krejtësisht të panjohur për Shoqërinë diplomatike punon fort gjatë muajit të fundit.

Këtë e deklarojnë një letër të hapur drejtuar presidentit Rumen Radev përfaqësuesit e organizatës së diplomatëve. “Dëshirojmë të kujtojmë se sipas Kushtetutës bullgare dhe Ligjit për shërbimet diplomatike, ambasadorët e jashtëzakonshëm dhe fuqiplotë dhe përfaqësuesit e përhershëm në organizatat ndërkombëtare qeveritare emërohen nga presidenti i Republikës së Bullgarisë në përputhje me propozimet e bëra nga Këshilli i Ministrave” – është shkruar në këtë letër. D.m.th. kreu i shtetit është ai, i cili mund të dërgojë ambasadorë dhe përfaqësues të përhershëm dhe respektivisht përgjegjësia është e tij – edhe nga pikëpamja morale, kështu edhe nga ajo politike. Prandaj këto poste duhet t’i zënë diplomatë me përgatitje të përshtatshme profesionale, mendojnë diplomatët bullgarë.