Zëvendëskryeministrja dhe Ministre e Punëve të Jashtme Ekaterina Zaharieva këmbënguli përpara Ambasadorit qipriot tek ne Marios Kundurides për një takim të menjëhershëm në një nivel ekspertësh midis përfaqësuesve të Komisionit për Mbikëqyrje Financiare dhe Ministrisë Financiare qipriote mbi rastin me Kompaninë e falimentuar të Sigurimeve “Olympic”. Janë të prekur shumë njerëz, dhe akoma nuk kemi informacion zyrtar nga pala qipriote sa i përket procedurës, në bazë të së cilës do të paguhen kompensimet, tha Zaharieva. Ambasadori Kundurides siguroi se do të kontribuojë për sqarimin e detajeve rreth rastit, i cili la pa mbulim sigurimet e lidhura të mbi 200 000 klientëve të kompanisë në Bullgari.