Tension në radhët e pushtetarëve në prag të stinës së re politike

Unanimiteti pas bisedimeve të vështira – “Patriotët e Bashkuar” dhe GERB shpallën se mbeten së bashku në udhëheqjen e vendit.
Foto: BGNES

Hapja e sesionit të ri parlamentar sot ishte paraprirë nga një mbledhje e tensionuar e Këshillit të Koalicionit ditën e hënë, gjë për të cilën disa vëzhgues politikë kishin prognoza pesimiste për udhëheqjen e vendit. Shqetësimet nuk u justifikuan, madje duke marrë parasysh vetëm titujt e publikimeve të sotme mbi këtë temë: “Koalicioni i GERB-it dhe “Patriotëve” ruan përbërjen e vet” (gazeta “Trud”), “Patriotët e Bashkuar” mbeten në udhëheqje” (gazeta “Sega”). “Pas dramave me radhë koalicioni përsëri është stabil (agjencia “Mediapool”). Mirëpo, në fakt madje një zgjidhje e tillë e situatës është shkas për shqetësime.

Deri në mbledhjen e jashtëzakonshme të Këshillit të Koalicionit u arrit pas një aksidenti të rëndë rrugor me autobus afër qytetit Svoge, ku javën e kaluar vdiqën 17 veta dhe mbi 20 të tjerë u plagosën. Kishte akuzime se aksidenti është rrjedhim i infrastrukturës së keqe rrugore dhe se reaksionet e autoriteteve janë joadekuate. E gjithë kjo shkaktoi kërkimin e dorëheqjeve të ministrit të punëve të brendshme, të ministrit të transportit dhe të atij të zhvillimit regjional. Zëvendëskryeministri Valeri Simeonov shpalli se është kundër dorëheqjeve, duke drejtuar akuza se shteti udhëhiqet në mënyrë autoritare. Ai bëri të ditur gjithashtu disa vërejtje ndaj udhëheqjes dhe grupit parlamentar “Patriotët e Bashkuar”, në të cilin vetë ai bën pjesë. Fakti se një aksident rrugor, pavarësisht se sa i rëndë është ai, jep shkas për tronditje në udhëheqjen e tërë shtetit, nuk mund të mos provokojë shqetësime. Kundërshtimet politike rreth aksidentit tragjik nxorën në pah disa kundërshtime të brendshme te partneri i vogël i koalicionit – “Patriotët e Bashkuar” dhe ato shkaktojnë shqetësime për mungesë stabiliteti. Lehtësia me të cilën në një briefing pas mbledhjes së Këshillit të Koalicionit tronditjet e rënda në Koalicionin në pushtet të GERB-it dhe të “Patriotëve të Bashkuar” u justifikuan me probleme në komunikimin mes tyre gjithashtu është shkas për shqetësime. Kjo nga ana e vet na bën që të supozojmë se probleme të mëdha të brendshme me të vërtetë ka, por zgjidhja e tyre shtyhet. Në çfarë shkalle ky supozim është i drejtë, kjo do të shihet gjatë disa ditëve të afërta, kur do të mbahet shqyrtimi i shtyrë për më vonë i dorëheqjeve të ministrave. Nga ana e vet GERB jep sinjale se mund të mos ketë dorëheqje.

Gjithsesi, të gjitha këto ngjarje na japin shkas për të menduar pozitivisht. Siç duket kundërshtimet e brendshme nuk do të çojnë në shpërbërjen e koalicionit në pushtet. Ka të ngjarë që të bëhen ndryshime në përbërjen e qeverisë, por jo nën presion politik, por në qoftë se këtë e vendos Kryeministri Borisov për shkaqe politike. Tani për tani është pothuajse e sigurt se nuk do të ketë ndërrim të qeverisjes dhe zgjedhje të parakohshme, siç parashikohej nga disa vëzhgues. Nuk vëzhgohet edhe ndryshim i raportit të forcave politike, nuk shihen edhe shkaqe të tjera pët zhvillime të tilla. Situata mbetet e parashikueshme dhe e gjithë kjo na jep shkas për optimizëm.

Përgatiti në shqip: Vesella Mançeva

Më shumë nga rubrika

Foto: BGNES

Po bien si shi dorëheqjet për shkak të skandalit me apartamentet e politikanëve

Botimet e shtypit në Bullgari e përqendrojnë vëmendjen mbi vargun e vazhdueshëm të dorëheqjeve për javë të tretë të radhës mes qeveritarëve në lidhje me skandalin për marrjen e apartamenteve të reja me çmime çuditërisht të ulëta. Gazeta “Dnevnik ”..

botuar më 19-04-10 2.26.MD

Evropa përjeton “krizë të kuptimit”

Megjithëse deri në zgjedhjen e përbërjes së re të Parlamentit Evropian ka akoma rreth një muaj e gjysmë, në fund të mandatit të vet të tanishëm Parlamenti Evropian shqyrton ndryshime në direktivat, të cilat do të ndikojnë negativisht mbi disa prej..

botuar më 19-04-01 4.23.MD

Turbullira politike pas shitblerjeve skandaloze të banesave ka, por jo aq të forta

Në ditën e fundit të muajit mars partia GERB shpalli listën e kandidat- deputetëve,  me të cilën bashkë me Bashkimin e Forcave Demokratike do të paraqitet në zgjedhjet për Parlamentin Evropian. Sot, Bullgaria ka 17 eurodeputetë, 6 prej të cilëve janë nga..

botuar më 19-04-01 2.20.MD