Edicioni i katërt i maratonës së stafetës të Sofjes “Ekiden Maratonë 2018” do të mbahet më 6 shtator për nder të Ditës së Bashkimit të Bullgarisë. Gara është pjesë e iniciativës “Sofja – Kryeqyteti Evropian i Sportit”. Në të përveç atletëve më të fortë të vendit – Mitko Cenov, Ivo Ballabanov dhe Jollo Nikollov, do të përfshihet dhe kampionia bullgare e biatlonit Pavlina Filipova dhe disa prej sportistëve tanë më të mirë në sportet dimërore. Organizatorët kanë marrë kërkesa për pjesëmarrje edhe nga disa skuadra të vendeve fqinje ballkanike dhe nga Japonia. “Ekiden Maratonë 2018” përbën një garë mes skuadrave në distancën klasike prej 42.195 kilometrash. Disiplina ka marrë licencë nga Federata Ndërkombëtare e Atletikës së Lehtë (IAAF).