Festivali “Arti është” bashkon yje botërore rreth problemeve të fëmijëve dhe të të rriturve në qytetin Montana

Autor:
Foto: arkiv personal

Luftimi i trafikut të njerëzve, problemet e njerëzve me çrregullime dhe dhuna ndër fëmijët dhe adoleshentët janë probleme, të cilat për fat të keq angazhojnë gjithnjë e më shumë shoqërinë. Prania e një informacioni të tillë në çdo emision të lajmeve shkakton pyetje, të cilat kërkojnë përgjigje urgjente. Këto janë pyetje, të cilave duhet t’u përgjigjemi vetë ne, sepse pikërisht nga ne varet zgjidhja e të paktën një prej problemeve – dhuna ndër fëmijët. Çfarë i provokon fëmijët që të jenë agresivë? A është kjo dëshira që të pëlqehen nga bashkënxënësit dhe miqtë e tyre, ose reaksioni i vetëmbrojtjes, që të mbijetojnë jashtë zonës së tyre të komfortit? Debati mbi këtë temë është shumë i rëndësishëm, por shpeshherë ai mbetet vetëm mes të rriturve, pa u dëgjuar mendimi i fëmijëve. E gjithë kjo mund të ndryshojë, madje mund të themi se ndryshimi tashmë është fakt në qytetin Montana, ku ka lindur bashkëbiseduesja jonë Nelian Nikollova.

Krahas takimeve më fëmijë të ndryshëm nga qyteti, qëllimi i të cilëve është që nëpërmjet fuqisë së artit të rrëzohen të gjitha barrierat  mes tyre, ajo organizon gjithashtu një festival muzikor njëditor, në të cilin marrin pjesë si yje bullgare, ashtu dhe këngëtarë me famë botërore të stileve rok, pop dhe xhaz. Pas koncerteve të tyre ata gjithmonë vizitojnë Qendrën Ditore për Fëmijë dhe të Rritur me Çrregullime në Montana dhe kalojnë me ta disa orë të paharrueshme, plot këngë dhe histori interesante, të treguar nga muzikantët. Si e zgjodhët emrin e festivalit, ja përgjigja e Nelian Nikollovës:

СнимкаUnë jam shumë artistike dhe desha të merrem me veprimtari origjinale, plot kuptim dhe shpirt. Prandaj, kur vendosa ta organizoj festivalin, u ndesha me vështirësi me zgjedhjen e emrit. Një ditë u ula dhe shkrova në një letër: “Arti është”. Pas kësaj fillova të mendoja se çfarë është arti. Besoja se fjala që do ta sajoja, do të ishte emri i festivalit. Në një moment më erdhi ndër mend se nuk ka nevojë që t’i përgjigjem kësaj pyetjeje, por është më mirë të provokoj njeriun pranë meje të mendojë vetë ai se çfarë përbën arti, në rast se arti është i pranishëm në ndonjë mënyrë në jetën e tij.

Nelian nuk do të harrojë kurrë edicionin e parë të festivalit gjatë vitit 2011, kur njerëzit, të cilët e përkrahën seriozisht në realizimin e kësaj ëndrre të çmendur – t’i bëjë njerëzit në Montana për të besuar se në qytet ende ka shpresë për zhvillim dhe për një jetë më të mirë. Atëherë u mbajt një spektakël me titull “Një natë në një kabare të ndryshme”, me pjesëmarrjen e Orlin Pavllovit, Desi Dobrevës, këngëtarëve operistikë nga Konservatori, si dhe të grupeve rok me një orkestër të madhe simfonike. E gjithë kjo nuk do të ishte e mundur pa ndihmën e e kitaristit të grupit BTR Sllavço Nikollov dhe të bashkëshortes së tij, të cilët e ndihmuan vajzën 20 vjeçare në atë kohë për ta formuar idenë e saj, të cilën më vonë ajo e mbrojti para bashkisë. Kjo ndodhi rreth dy vjet pas takimit të tyre të parë në një konkurs në Montana, ku Nelian fitoi çmimin e grupit.

Shtatë vjet më vonë, pas pjesëmarrjes së yjeve botërore si ish-vokali i Deep Purple Joe Lynn Turner dhe vokali i Axl Rudi Pell Johnny Gioeli, më 7 shtator në sheshin në Montana merr pjesë frontmeni i tanishëm i rok-grupit Rainbow Ronnie Romero. Pikërisht atje ai do të mbajë koncertin e tij të vetëm në këtë pjesë të Evropës deri në fund të këtij viti. Emocioni dhe humori i mirë janë garantuar, por megjithëse është falas, koncerti është me një kauzë të madhe – ta ndihmojë të paktën një fëmijë në qytet, që të ndihet ai më special, edhe pse për një çast, pavarësisht nga gjendja e tij sociale, problemet, ose e kaluara e tij.

Përgatiti në shqip: Vesella Mançeva

Më shumë nga rubrika

Në Bullgari filloi Java Evropiane e Mobilitetit

Fushata e Komisionit Evropian “Java Evropiane e Mobilitetit” zhvillohet çdo vit në periudhën 16-22 shtator me qëllim inkurajimin e bashkive evropiane për të aplikuar dhe ndihmuar transportin e qëndrueshëm dhe mënyrat e lëvizjes dhe gëzon interes..

botuar më 18-09-18 2.36.MD

“Shtëpia e Sofjes” gjallëron kujtimin për aktoren e madhe Adriana Budevska

Më 17 shtator sofjanasit shënojnë Ditën e Sofjes – qyteti, i cili u zgjodh për qendër administrative të Bullgarisë pas Çlirimit. Në saje të bullgarëve të talentuar, të cilët kishin marrë arsim akademik jashtë, kryeqyteti i ri shumë shpejt formoi..

botuar më 18-09-17 2.44.MD

Mësuesi Mina Iliev: Me ndihmën e udhëheqjes së shkollës mësuesi mund të jetë novator

Viti shkollor për nxënësit bullgarë fillon më 15 shtator. Data e kthimit të fëmijëve në shkollë nuk është zgjedhur rastësisht. Pas vendimit qëndron një arsye pragmatike. Deri në vitet e 20-të të shekullit të kaluar nxënësit kanë filluar vitin..

botuar më 18-09-17 2.13.MD