Kryeministri Bojko Borisov bëri të ditur se Sofja do të kandidojë për mikpritëse të Lojërave Dimërore Rinore Olimpike gjatë vitit 2024. Vendimi është rezultat i bisedimit të tij me Presidentin e Komitetit Olimpik Ndërkombëtar Tomas Bah, i cili është për vizitë në Sofje. “Aktualisht në Bullgari zhvillohen njëkohësisht tri kampionate botërore në sportet olimpike, gjë që për mendimin tim është një rekord olimpik. Kjo më jep arsye për t’ju inkurajuar të kaloni në një nivel tjetër dhe të kandidoni për mikpritës të lojërave olimpike”, deklaroi Bah. Borisov i është përgjigjur se do të ndihet më i sigurt në mikpritjen tonë të suksesshme, në qoftë se para kësaj Bullgaria bëhet mikpritëse e Lojërave Dimërore Rinore Olimpike.