Po vazhdon meremetimi i ish shtëpisë partiake në qendër të Sofjes, e cila në të ardhmen do të ofrojë një mjedis të ri për seancat e Parlamentit bullgar. Salla e ardhshme plenare do të jetë me 270 vende. Do të mund të montohen suplementarisht deri në 400 vende, po të ketë nevojë për thirrjen e Kuvendit të Madh Popullor.

Vendet do të jenë më të gjera që të lejojnë punë me laptop. Po mendohet që deputetët të mbajnë fjalime nga vendet e tyre, që të kursehet kohë. Është parashikuar hapësirë edhe për mysafirët VIP dhe dy zona të veçanta për mediat. Pritet montazhi i sistemeve klimatike, duke u ruajtur elementet e vjetra arkitekturore të godinës. Deputetët do të ulen në karrige me damask blu, të cilat të jenë në përputhje me flamurin e BE-së.

Një theks interesant arkitekturor përbën kupola prej qelqi mbi sallë. Një kupolë të tillë ka mbi Bundestagun e Berlinit. Kupola në fjalë do të sigurojë dritë të përhershme diellore për deputetët. Pritet që ndërtimi i sallës së re plenare të përfundojë në mes të vitit 2019.