Edicioni i gjashtë i festivalit për kinema dokumentare “Sofia Biting Docs Flm Festival” zhvillohet nën moton “Shoku shpirtëror” dhe përfshin dy filma të rinj dokumentarë bullgarë: “Rruga e Santjagos”: Aventura e shpirtit” dhe “Kopshti i Shën Mërisë”.

Festivali u hap më 1 tetor në Shtëpinë e Kinemasë me filmin për itinerarin e pelegrinëve Kamino. Historia për njerëzit, të cilët ecin në rrugën e shenjtë, që të gjejnë zgjidhje të problemeve të tyre shpirtërore dhe ta ndiejnë energjinë e kësaj aventure magjike është treguar me shumë humor.

Dokumentari tjetër, i cili prezantohet për herë të parë në programin e festivalit, është “Kopshti i Shën Mërisë”. Ai tregon për jetën e murgjve në Manastirin e Zografit dhe nëpërmjet tij shikuesi mund të njihet me bashkësinë më të vjetër të murgjve, ku nuk ka shkelur këmba e gruas tashmë më shumë se 1000 vjet – ishulli Aton në Greqi, ku murgjit i kryejnë detyrimet e tyre të përditshme – gatuajnë ushqimin, presin drurë, pastrojnë, pikturojnë ikona. Ata na tregojnë historinë e një ikone, e cila ka ardhur në manastir në një mënyrë enigmatike para 30 vitesh.

Festivali, i cili paraqet nëpërmjet mjeteve të kinemasë dokumentare tema të rëndësishme, si për shembull shkelja e të drejtave të njeriut, integrimi i minoriteteve, problemet e mjedisit etj., po vazhdon deri në 10 tetor.