Banka Qendrore Evropiane ka zgjedhur të kontrollojë gjashtë prej bankave më të mëdha bullgare, si pjesë e procedurës për aderimin e Bullgarisë në Bashkimin Bankar dhe në Mekanizmin Valutor ERM II. Sipas publikimeve të “Mediapool” dhe “Kapital” ka të ngjarë që në listë të gjenden tri prej institucioneve më të mëdha financiare në vend – Unicredit Bulbank”, bankat DSK (Arka Shtetërore e Kursimeve) dhe OBB (Banka e Bashkuar e Bullgare), si dhe Banka e Parë e Investimeve. Të gjitha ato duhet të kalojnë përmes kontrollit të cilësisë së aktiveve në kuadrin e të ashtuquajturit “vlerësim i thelluar i sektorit bankar” në Bullgari. Pritet që auditorët nga Fondi i Ristrukturimit të mbërrijnë te ne më 10 nëntor. Në përputhje me grafikun e Bullgarisë, aderimi i vendit në Bashkimin Bankar si dhe në sallën e pritjes të eurozonës duhet të jetë fakt rreth korrikut të vitit 2019.