Një gjest bujar ka bërë emigranti bullgar në SHBA doktori Andrej Georgiev, duke u dhuruar 1 037 413 dollarë studentëve të mjekësisë që studiojnë në Sofje. Në të kaluarën ai vetë ka marrë diplomë në këtë Universitet të Mjekësisë. Falë këtyre mjeteve çdo vit 10 000 euro do të shpërndahen mes studentëve të diplomuar me nota të shkëlqyera dhe secili do të marrë një pjesë prej tyre. Testamenti i doktorit Georgiev  nuk është vetëm financiar. Ai është një mesazh se vetëm me punë të këmbëngulur, arsim dhe devotshmëri njeriu mund të arrijë sukses.

Doktori Andrej Georgiev ka lindur në vitin 1921. Në fillim të viteve të 50-të të shekullit të kaluar ai ka emigruar në SHBA. Një pjesë e kapitalit të grumbulluar në punën e mjekut të respektuar familjet ai ia ka dhuruar gjimnazit të qytetit danubian Lom, në të cilin ka mësuar. Doktori Georgiev ka qenë një njeri tepër modest, i cili gjatë gjithë jetës së tij ka ndihmuar realizimin profesional të të rinjve të talentuar. Ka vdekur në moshën 93-vjeçare më 22 prill 2014 në shtëpinë e tij në Wilmington, Delaware.