Në Moskë në ceremoninë e dorëzimit të letrave kredenciale të ambasadorit të ri bullgar në Rusi Atanas Krëstin, presidenti rus Vladimir Putin shprehu keqardhje për mosrealizimin e projektit për gazsjellësin “Rryma Jugore”, por shtoi se “po hapen mundësi të reja dhe Bullgaria mund të luajë një rol të konsiderueshëm për transitin e gazit rus për tregjet evropiane”.

Putini nënvizoi se gjatë vizitave në muajin maj të Presidentit Rumen Radev dhe të Kryeministrit Bojko Borisov në Moskë ishin konfirmuar synimet reciproke për thellimin e mëtejshëm të bashkëpunimit tregtar dhe ekonomik, përfshin këtu dhe në sferën energjetike. Ai kujtoi se sivjet shënojmë përvjetorin e 140-të të çlirimit të Bullgarisë nga zgjedha osmane.