Me fokus tematik mbi dashurinë në të gjitha përpjesëtimet e saj filloi edicioni i katërt i CineLibrit. Me moto “Dashuria midis rreshtave” nga 10 deri më 24 tetor në programin e festivalit janë përfshirë 300 projektimeve të 46 filmave në kryeqytet dhe në 9 qytete të tjera bullgare.

Për herë të parë sivjet programi i CineLibrit parashikon 11 filma bullgarë. Një pjesë prej tyre janë versione kinematografike të veprave letrare, të tjerë janë frymëzuar nga arritjet e artistëve të shquar, kurse dy prej titujve bëhen arsye për shkrimin e librave, të cilat do të shfaqin në treg gjatë vitit 2019-të.

Programi konkurrues përfshin 9 filma, në këtë numër filmi-omnibus “8 minuta e 19 sekonda” i bërë sipas novelave të përfshira në librin “Gjithçka u bë hënë” të shkrimtarit Georgi Gospodinov. Ky është vepra e parë bullgare në historinë e festivalit, e cila do të konkurrohet për çmimin për ekranizim më të mirë.

Ndër titujt e huaj janë drama kriminale “Do të shihemi atje lart” (Franca/ Kanada) e regjisorit Albert Dupontel, e cila ka 5 çmime “Cesar”, “Premtimi i agimit” i Erik Barbie, sipas romanit autobiografik të Romen Gari (Romain Gary), kështu edhe filmi amerikan “Pulëbardha” në bazë të pjesës së Çehovit, një adaptim i regjisorit Majkël Mojer etj.