Skulptura monumentale Streetlight (nga anglishtja “llambë rruge”) e piktorit bullgar Stefan Nikollaev do të vendoset para hyrjes së Grand Palais në Paris. Ky është prezantimi i parë i veprës së një autori bullgar në ambientin urban të kryeqytetit francez që realizohet në bashkëpunim me galerinë parisiane Michel Rein.

Skulptura, e cila i ngjan një shandani me lartësi 4 metra, do t’i presë vizituesit e forumit ndërkombëtar për art bashkëkohor FIAC nga 18 deri më 21 tetor. Monumenti është frymëzuar nga një nga veprat më të rëndësishme të Marsel Dyshan (Marcel Duchamp) “Bottle Rack”.

Skulptura e Stefan Nikollaevit është zgjedhur nga një juri në konkurrim me 30 autorë të tjerë nga Evropa, ShBA-ja, Azia. “Simboli i elektricitetit dhe dritës në shoqërinë bashkëkohore moderne. Kjo, e cila na bën që të jemi më shumë së bashku në një vend, t’i kapërcejmë përkufizimet e hapësirës dhe kohës” – komentoi para gazetës “Dnevnik” Veselina Sarieva nga galeria Sariev Contemporary, e cila e përfaqëson piktorin.