70 për qind prej bullgarëve janë të mendimit, se javët e fundit shihet një rritje e çmimeve të mallrave dhe shërbimeve. Këtë e tregon një anketim i Agjencisë Sociologjike “Gallëp” zhvilluar nga 5 deri më 12 tetor. Kjo tendencë ndihet më tepër nga më të moshuarit, njerëzit me të ardhura më të ulëta dhe ata që jetojnë në fshatrat. 18 për qind janë ata që mendojnë se nuk ka një tendencë të tillë. 74 për qind prej të anketuarve janë të mendimit, se çmimet do të rriten gjatë 2-3 muajve të ardhshëm, 14 për qind mendojnë se nuk do të ketë ndryshim. Natyrisht më të moshuarit janë ata të cilët shfaqin shqetësim më të madh nga rritja eventuale e çmimeve, theksojnë nga “Gallëp”.