Violinistë të rinj nga Bullgaria, Serbia, Moldavia, Rusia, Turqia dhe Kina janë pjesëmarrësit në edicionin e 43 të Ditëve Muzikore dhe të Konkursit Ndërkombëtar për Instrumentistë me emrin e violinistes së njohur Nedjallka Simeonova, që zhvillohet nga 18 deri më 21 tetor. Interpretimet vlerësohen nga një juri prej 5 vetash me pjesëmarrje ndërkombëtare.

Në program janë parashikuar gjithashtu katër koncerte, saktësoi dirigjenti i Orkestrës së Dhomës Haskovo Canisllav Petkov. I pari është i Ansamblit të Dhomës “Solistët e Sofjes” me dirigjent Pllamen Xhurov. Kryetari i jurisë prof. Angell Stankov gjithashtu ka një shfaqje si solist me rastin e përvjetorit të tij të 70. Solisti i Orkestrës së Dhomës të Haskovos në ditën e fundit do të jetë profesori në Konservatorin e Lartë Muzikor për Muzikë dhe Valle në Paris Svetlin Rusev. Publiku do të ketë mundësinë të dëgjojë tingullin autentik të violinës “Stradivarius” që nga viti 1710, me të cilën violinisti e lavdëroi Bullgarinë në botë. Aksesi tek festa katërditore muzikore në Haskovo është falas.