Kryeministri bullgar Bojko Borisov shqyrtoi në Kajro me Presidentin e Egjiptit Abdel Fattah As-Sisi aktivizimin e dialogut dypalësh në fushën ekonomiko-tregtare dhe domosdoshmërinë për zgjerimin e investimeve. Egjipti është ndër partnerët stabilë tregtarë të Bullgarisë në regjionin e Lindjes së Mesme dhe të Kontinentit Afrikan, nënvizoi Borisov dhe shtoi se mund të kërkohet thellim i bashkëpunimit dypalësh edhe në lëmin e bujqësisë, transportit dhe të turizmit. Kryeministri vuri në dukje se për Bullgarinë Egjipti është një furnizues potencial i gazit natyror dhe vendi ynë ka interes për t’u përfshirë në projektin e gazit midis Egjiptit, Greqisë dhe Qipros. Borisov nënvizoi se luftimi i terrorizmit, ekstremizmit dhe radikalizimit është një kauzë e përbashkët për Bullgarinë dhe Egjiptin.