Konkursi i Dytë Kombëtar “Mbrojtësit e Traditave Bullgare”

Kostadin Mihajllov për konkursin dhe punën e Shoqatës me të njëjtin emër

Kostadin Mihajllov realizon ëndrrat e veta jo vetëm si interpretues i përsosur i këngëve të krahinës së malit Stranxha. Që kur ishte fëmijë ishte pjesë e Shkollës Fëmijërore “Nestinarçe” me udhëheqëse këngëtaren popullore Zllatka Stavreva. Pas kësaj mbaroi klasën muzikore në Shkollën e Përgjithshme të Mesme “Dobri Çintullov” në qytetin Burgas, ndërsa më vonë specialitetin “Trashëgimi kulturor historike dhe teknologji të informacionit” në Universitetin Bibliotekar. Në biografinë krijuese ka tri albume me këngë të tij, dallime të shumta nga konkurse dhe koncerte në mbarë vendin Ai ka një interes të qëndrueshëm ndaj kulturës dhe historisë së krahinës së malit Stranxha. Rezultat i punës së tij këmbëngulëse janë librat “Folkloristikë dhe teori e muzikës popullore në Stranxha”, “Histori e shkurtër e fshatit Veselie”, “Ngjyra e folklorit të Stranxhës”. Nga viti 2013 Kostadin Mihajllov është kryetar i Shoqatës “Mbrojtësit e Traditave Bullgare”, qëllimi i së cilës është studimi i folklorit të malit Stranxha, organizimi i një konkursi kombëtar folklorik dhe botimi i një gazete. Për veprimtarinë e vijueshme të shoqatës këngëtari tregon:

СнимкаMë 3 dhe 4 nëntor do të mbahet Konkursi i Dytë Kombëtar “Mbrojtësit e Traditave Bullgare” në qytetin Sredec, rajoni i qytetit Burgas. Ai organizohet çdo dy vjet. Sivjet planifikojmë që të gjithë pjesëmarrësit, mbajtës të dallimeve, të bëjnë incizime dhe pas kësaj me to të realizojmë një album. Pjesëmarrësit janë të ndarë në grupe sipas moshës. Më shumë janë ata në grupet e të rinjve nga 11 deri në 18 vjeç. Brenda dy ditëve të konkursit publiku do të dëgjojë 120 vepra folklorike. Pjesëmarrësit do të jenë nga të gjitha krahinat folklorike të vendit. Do të ketë edhe grupe të folklorit autentik nga fshatrat e vogla të malit Stranxha. Ditën e diele do të jetë gala koncerti i laureatëve. Në të do të prezantohen edhe disa këngëtarë të njohur të krahinës Stranxha.


Ëndrra ime e madhe ishte që shoqata të botojë një gazetë të vet, e cila të pasqyrojë veprimtarinë e saj dhe të tregojë për historinë e folklorit të Bullgarisë. Kjo dëshira ime e zjarrtë u realizua kur nga shtypi doli numri i parë i gazetës “Shpirti Bullgar”. Tani është fakt numri i katër i gazetës, megjithëqë kemi vështirësi në financim. Në gazetë kemi një rubrikë “Për këngën një jetë nuk mjafton”. Për të bëjmë intervista me këngëtarë të ndryshëm popullorë. Botojmë edhe artikuj me tema historike me autor historianin Konstantin Sllavov. Krahas kësaj kemi informacione për konkurse të ndryshme e kështu me radhë. Një pjesë e rëndësishme e punës së shoqatës janë konkurset që organizojmë “Me këngët e interpretuesit Manoll Mihajllov”, “Me këngët e interpretueses Magda Pushkarova”. Kemi ide që në vitin 2019 të rimëkëmbim konkursin “Me këngët e interpretuesit Georgi Pavllov”.


Përgatiti në shqip: Svetllana Dimitrova

Foto: Radio Burgas

Më shumë nga rubrika

Draginovci i duan, i ruajnë dhe i lavdërojnë traditat e vjetra vendase

Në bazë të numrit të banuesve të vet, Draginovo renditet në vendin e katërt mes fshatrave në Bullgari. Fshati është i vendosur në Rodopet Perëndimore, në afërsi me qytetin Velingrad. Në të kaluarën ka qenë i njohur nën emrin Korova /nga turqishtja..

botuar më 18-10-21 11.35.PD

Janka Rupkina: “Jam shumë e lumtur se me zërin tim fitova dashurinë e njerëzve tek ne dhe nëpër botë”

Janka Rupkina është një nga emblemat e muzikës popullore bullgare dhe sivjet feston dy përvjetorë – 60 vjet në skenë dhe 80 nga lindja. Këngëtarja legjendare ka lindur në krahinën e Stranxhës. Bashkëfshatarët e saj nga fshati Bogdanovo në rajonin e..

botuar më 18-09-30 11.25.PD

Takime me folklorin bullgar në qytetin Popovo më 29 dhe 30 shtator

Qyteti Popovo /në Bullgarinë Verilindore/ është mikpritës i takimit të 2-të folklorik kombëtar “Autenticiteti dhe modernizmi”, organizuar nga Shoqata “Cvetnica”. Në edicionin e vjetshëm u përfshinë më shumë se 700 këngëtarë të këngëve të bukura..

botuar më 18-09-29 10.10.PD