Aktivistë kulturorë dhe figura publike morën dekorata në Ditën e Iluministëve Popullorë

Profesori Minko Ballkanski është “Iluminist i vitit 2018”. Krijuesi i “Institutit Kombëtar të Arsimit” është i dekoruar për të gjithë kontributin e tij të plotë për arsimin e fëmijëve bullgarë. Fizikani i madh 91 vjeç me famë botërore, i cili është shtetas francez dhe fondacioni i tij “Minju Ballkanski” kërkojnë, përgatisin dhe ndihmojnë bullgarë të talentuar për të anëtarësuar në institute prestigjioze ndërkombëtare shkencore.

Foto: BTA

Detyra jonë është të gjejmë iluministë bashkëkohorë - njerëz, të cilët fusin shumë energji dhe forcë, që të mund të realizojnë kauzat e tyre, të ecin përpara, të jenë mbështetja jonë dhe një shembull imitimi”, tha kryetarja e Kuvendit Popullor Cveta Karajançeva në ceremoninë rreth dhënies së dekoratave të pesta vjetore “Iluminist i vitit 2018”, organizuar nga Radioja Kombëtare Bullgare. Të dekoruarit janë të zgjedhur midis 17 propozimeve të ekipit gazetar të programit “Hristo Botev” të Radios Kombëtare Bullgare dhe mbi 120 propozimeve në letrat e dëgjuesve të radios. Të dalluar sivjet qenë personalitete me arritje të konsiderueshme, me një mesazh të fort shpirtëror dhe jehonë në hapësirën e mediave.

Foto: kultura.bg

Romani “Çamkoria” i Milen Ruskovit fitoi dekoratën e parë në kategorinë “Prozë” të Portalit “Kulturë” për shkak të mjeshtërisë së papërsëritshme gjuhësore me të cilën autori rikrijon epokën e viteve 20 të shekullit të 20 përmes syve të protagonistit të tij Sllave Zheljazkov, duke treguar se si edhe hollësirat më të vogla jetike kthehen në një strehim të dinjitetit.” Me dekoratën e madhe dhe të posaçme të Portalit “Kultura” është dekoruar profesoresha Klimentina Ivanova “për kontributin e saj të madh në tekstologjinë e letërsisë së vjetër bullgare dhe për pozitën e saj si qytetare në mbrojtjen e të vërtetës në kohërat e vështira dhe të turbullta”. Në Ditën e Iluministëve Popullorë Portali “Kulturë” për herë të pastë dha dekorata për kontribut në fushën e letërsisë dhe të humanizmit.

43 emra nga sfera e artit muzikor dhe vallëzimit garuan për dekoratën Lira e Kristaltë, e cila  jepet në 17 kategori. Si një njohje për stinën jashtëzakonisht të fortë 2017/2018, të cilën Filarmonia e Sofjes ia propozoi publikut, me koncerte të paharrueshme me solistë si Sara Çang, Patricia Kopaçinskaja, Maksim Vengerov, Tomas Hempsën, Jurij Bashmet, grupi mori çmimin në kategorinë “Arti orkestral”.

Foto: sofiaphilharmonic.com

Ky është një peshqesh i shkëlqyer për ditëlindjen e 90 të filarmonisë së Sofjes, e cila po bën përpjekje të mëdha të mund ta bëjë jetën e koncerteve të Sofjes edhe më të pasur. “Mund t’ju premtoj se çudirat tani po fillojnë”, tha drejtori i filarmonisë maestro Najden Todorov. Ai mori dhe një dekoratë të posaçme – Lira е Kristaltë е Kantus Firmus – njohje për punën e tij të madhe krijuese dhe për arritjet e tij si dirigjent.

Përpiloi: Elena Karkallanova

Përgatiti në shqip: Nataniela Vasileva

Më shumë nga rubrika

Muzeu i Sofjes prezanton një ekspozitë kushtuar bukës, jetës dhe simboleve të krishtera

Deri më 30 qershor në Мuzeun Regjional Historik në Sofje mund të shikohet ekspozita “Qoftë e bekuar buka dhe jeta”. Ajo përmban eksponate nga koleksioni i dhuruesit dhe mecenatit Antonio Vasilev. Theksi është mbi vulat për bukë “meshanikë”, të..

botuar më 19-03-25 4.04.MD
“Natyra e stilizuar”, 1922

“Mbretëria e magjepsur” – ekspozitë kushtuar 130 vjetorit të lindjes së Nikollaj Rajnovit

Deri më 7 prill në Galerinë e Arteve Figurative në Sofje mund të shihet ekspozita “Mbretëria e magjepsur” kushtuar 130 vjetorit të lindjes së Nikollaj Rajnovit. Publicist dhe piktor, krijues i shumanshëm me interesa të larmishme, ai ishte një nga..

botuar më 19-03-24 11.10.PD

Todor Dimitrov – autor i fotografisë më të mirë nënujore

Gjarpri i vogël i ujit dhe mjeshtëritë e mëdha fotografike i dhanë mundësi banuesit të qytetit Varna Todor Dimitrov të bëjë fotografi unikale dhe të fitojë vendin e parë në konkursin prestigjioz për fotografë “Bota jonë nën ujë “në Çikago...

botuar më 19-03-23 1.05.MD