Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Samiti me Greqinë, Rumaninë dhe Serbinë në qytetin e Varnës është një hallkë nga aktiviteti më i gjerë regjional i Bullgarisë

БНР Новини
Foto: BTA

Aktiviteti regjional i Bullgarisë gjatë javës së kaluar kulmoi me takimin katërpalësh të nivelit të lartë në qytetin Varna midis Bullgarisë, Greqisë, Rumanisë dhe Serbisë, në të cilin me ftesë nga Sofja mori pjesë dhe kryeministri i Izraelit Benjamin Netanjahu.

Java e re fillon me pjesëmarrjen bullgare në takimin regjional në Bukuresht për inaugurimin e presidencës rumune të Strategjisë Danubjane të Bashkimit Evropian. Theksi kryesor në të dyja ngjarjet janë projektet e përbashkëta regjionale. Takimi i Varnës qe i përqendruar mbi diversifikimin e furnizimeve të gazit në Ballkan përmes qendrës shpërndarëse bullgare rreth qytetit Varna dhe terminalit grek për gaz të lëngësuar rreth Aleksandropulis, zhvillimin e infrastrukturës rrugore dhe hekurudhore midis shteteve në gadishull dhe idenë për këmbimin e moleve të porteve. Mes temave të takimit i cili zhvillohet sot dhe nesër në Bukuresht është aktualizimi i Planit për veprim të Strategjisë Danubiane e cila qe iniciuar nga Presidenca Bullgare. Pjesëmarrëse në strategji janë shtetet anëtare të Bashkimit Evropian – Serbia, Bosnja dhe Hercegovina, Mali i Zi, Republika e Moldavisë dhe Ukraina. Për të marrë pjesë në takimin katër palësh Bullgaria ftoi kryeministrin Benjamin Netanjahu me idenë që Izraeli të kontribuojë për diversifikimin e furnizimeve energjetike për Ballkanin përmes gazsjellësit të Mesdheut Lindor /“East-Med”/.

Me qëllimin të kërkojë ndihmë për projektet regjionale në anë, jashtë vetë regjionit, në ditën e takimit të Varnës, qeveria bullgare paraqiti përpara Koresë së Jugut mundësi për realizimin e investimeve të huaja në ndërtimin përfundimtar të autostradave “Hemus” dhe “Deti i Zi”, të cilat janë pjesë nga Rrjeti Transportues Evropian, si dhe të autostradës “Ruse-Veliko Tërnovo” në drejtimin e Korridorit të Përgjithshëm Evropian të Transportit numër 9. Vetëm disa ditë përpara bisedimeve në Korenë Jugore, Sofja qe e vizituar nga ministri i jashtëm i Azerbajxhanit Elmar Mamadjarov. Në kontekstin e bashkëpunimit strategjik midis të dyja vendeve, Mamadjarov diskutoi me homologen e tij bullgare Ekaterina Zaharieva edhe tema, të lidhura me furnizimet e gazit dhe të infrastrukturës. Në lidhje me vlerësimin e Zaharievës në fushën e bashkëpunimit midis të dyja vendeve në energjetikë dhe transport ka mundësi të mëdha, por akoma të pashfrytëzuara. Zhvillime më të konsiderueshme në dialogun bilateral mund të presim në fillim të vitit të ardhshëm, kur kryeministri Bojko Borisov do të realizojë një vizitë punë në Baku.

Ndërkohë, ministrja e jashtme Ekaterina Zaharieva u nis për në Shtetet e Bashkuara, ku sot dhe nesër do të ketë bisedime jo vetëm mbi çështjet bilaterale dhe globale, por dhe mbi çështjet regjionale, jo vetëm me sekretarin e shtetit Michael Pompeo por dhe me drejtorin regjional të Institutit Kombëtar Demokratik mbi çështjet e Evropës Qendrore dhe Lindore.

Një vëzhgues i njohur bullgar e përcaktoi takimin katërpalësh në Varnë si kërkesë për të legjitimuar Bullgarinë, Greqinë dhe Rumaninë si një farë Beneluksi Ballkanik. Faktet përpara dhe pas kësaj ngjarjeje tregojnë se formati katërpalësh në fjalë është një element nga një politikë regjionale me një përfshirje shumë më të gjerë.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Automjeti luftarak i këmbësorisë amerikane

Kontroll i BNR-së: A po transportohen tanqe përmes territorit tonë në Ukrainë?

Që nga fillimi i luftës në Ukrainë, lëvizja e pajisjeve ushtarake në territorin e Bullgarisë shpesh ka shkaktuar komente dhe deklarata në hapësirën online, lidhur me shqetësimet për përfshirjen e Bullgarisë në veprimet ushtarake. Një vit më parë, për..

botuar më 24-03-27 7.20.PD

Radan Kënev për Parlamentin e ardhshëm Evropian dhe debatin e vonuar evropian në Bullgari

Pak muaj para zgjedhjeve evropiane, të cilat do të mbahen në të gjithë BE-në midis 6 dhe 9 qershorit, dhe në kontekstin e pasigurt politik bullgar, Radan Kënev, eurodeputeti nga grupi PPE (Partia Popullore Evropiane), i zgjedhur nga lista e DB-së..

botuar më 24-03-26 7.30.PD
Kirill Petkov

Kirill Petkov: Marrëveshja është arsyeja e dështimit të negociatave

Drejtuesit e “Po e vazhdojmë ndryshimin – Bulgaria Demokratike” (PP-DB) nuk kanë dalë ende me një koment zyrtar pas vendimit të kandidates për kryeministre të GERB, Maria Gabriel për të hequr dorë nga mandati i saj për të formuar një kabinet, e cila..

botuar më 24-03-25 2.33.MD