Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarje me adresë ballkanike

Parlamenti në Prishtinë nuk pranoi rezolutën që do t’i ndalonte Thaçit të bisedojë për territorin e Kosovës

Foto: BGNES

Kuvendi i Kosovës nuk pranoi rezolutën e propozuar nga opozita, me të cilën duhej t’i ndalohej kujtdo qoftë lideri politik të negociojë për ndryshimin e kufirit me Serbinë. Debati i lidhur me dialogun ndërmjet Serbisë dhe Kosovës ishte plot me akuza të ndërsjella, dhe shpifje personale kundër deputetëve të mazhorancës dhe atyre të opozitës. Presidenti Hashim Thaçi u shpall në përkrahje të “korrigjimit të kufirit” me Serbinë, i cili parashikon aderimin e Lugjinës së Preshevës, por pa propozuar asgjë në këmbim.


Bullgaria, Rumania, Greqia dhe Serbia mund të aplikojnë së bashku për të mirëpritur Botërorin e futbollit në vitin 2030

Foto: BGNES

Bullgaria, Greqia, Serbia dhe Rumania po shqyrtojnë mundësinë për të aplikuar së bashku për mikpritjen e Kampionatit botëror të futbollit në vitin 2030. Këtë e shpalli kryeministri Bojko Borisov në qytetin e Varnës, ku më 2 nëntor u zhvillua samiti i katër shteteve ballkanike. Deri tani për këtë kampionat aplikimet e tyre të përbashkëta kanë parashtruar Argjentina, Paraguai dhe Uruguai, Britania e Madhe dhe Maroku, Tunizi dhe Algjeri. Spanja po mendon për aplikim të përbashkët me Portugali. Në Botërorin e vitit 2026 në SHBA, Meksikë dhe Kanada për herë të parë do të marrin pjesë 48 skuadra. Lajmi nga rezidenca Evksinograd afër qytetit Varna u bë tema kryesore e mediave ballkanike. Gazetarët maqedonas shprehën habinë e tyre për faktin se Maqedonia nuk është përfshirë në këtë aplikim, meqenëse stadiumi në Shkup është ndër më modernet në rajon dhe ishte mikpritës i ndeshjes për Superkupën e Evropës gjatë 2017-ës.


Turizmi do të jetë në fokusin e Presidencës rumune të Këshillit të BE-së

Foto: BGNES

Rumania po planifikon të përdorë Presidencën e Këshillit të BE-së që nga 1 janari 2019 për t’i dhënë hov industrisë së vet turistike, e cila sipas fjalëve të Sekretarit shtetëror në Ministrinë e turizmit George Tomoiaga, “është duke u rritur”. Sipas tij Rumania zhvillon të gjitha llojet e turizmit – bregdetar, kulturor, aventuresk, objekte të UNESKO-së. Viti 2017 ka qenë viti më i mirë për turizmin rumun gjatë 10 viteve të fundit. Turizmi nuk është pjesë e  legjislacionit evropian dhe në të njëjtën kohë siguron 25 miliona vende pune në territorin e BE-së. Për këtë arsye ndër objektivat e Presidencës rumune të Këshillit të BE-së do të jetë përfshirja e turizmit në kuadrin financiar shumëvjeçar të BE-së për periudhën e ardhshme programore 2021-2027.


Fluturime të drejtpërdrejta midis Athinës dhe Shkupit

Foto: BGNES

Pas ndërprerjes 12-vjeçare përsëri ka linjë të drejtpërdrejtë ajrore midis Greqisë dhe Republikës së Maqedonisë. Kjo u bë pasi Athina dhe Shkupi filluan procesin e përmirësimit të marrëdhënieve të tyre pas marrëveshjes së arritur gjatë qershorit të këtij viti që u dha fund mosmarrëveshjeve shumëvjeçare për emrin e ish-republikës jugosllave. Fluturime të drejtpërdrejta kishte midis 2003-ës dhe 2007-ës, por ato ishin ndërprerë kur ish qeveria e Maqedonisë e emërtoi aeroportin e Shkupit “Aleksandri i Madh”. Operatori i fluturimeve midis dy kryeqyteteve është kompania greke “Aegean Airlines”. Avionët e kësaj linje do të fluturojnë dy herë në javë dhe do ta kalojnë distancën për pak më shumë se një orë.


Bosnja para krizës për shkak të strehimit të refugjatëve

Foto: total-croatia-news.com

Me afrimin e dimrit autoritetet në Bosnjë e Hercegovinë përpiqen ta evitojnë krizën humanitare me emigrantët, të cilët ndodhen në territorin e shtetit. Ata nuk kanë strehim dhe flenë nën qiell të hapur. Shteti i varfër ballkanik ndodhet në rrugën e re të klandestinëve nga Lindja e Mesme, Azia dhe Afrika Veriore drejt Bashkimit Evropian. Rreth 20 mijë refugjatë kanë kaluar kufirin e Bosnjë e Hercegovinës duke përpjekur të hyjnë në Kroaci – shtetin e parë të BE-së në këtë itinerar. Por Bosnja, e cila ka mjaft probleme të brendshme politike dhe ekonomike, nuk mund t’i pranojë njerëzit e ardhur dhe hapja e qendrave të reja për strehim bëhet në mënyrë tepër të ngadaltë. Kështu mijëra njerëz janë në rrezik dhe agjencia e OKB-së për refugjatët paralajmëron se ka nevojë për masa të shpejta për parandalimin e “tragjedisë humanitare”.


Turqia inauguroi aeroportin më të madh në botë

Foto: designboom.com

Në Stamboll u inaugurua aeroporti i ri, i cili sipas autoriteteve turke do të bëhet aeroporti më i madh në botë. Ndërtimi i tij është me vlerë 26.1 mrld euro. Deri tani është realizuar e para nga 4 fazat e ndërtimit. Që nga viti 2014 deri më sot për të janë shpenzuar 6 mlrd. euro. Etapat e tjera do të përfundojnë deri më 2023. Pas kësaj aeroporti do të ketë kapacitet prej 200 mln. pasagjerësh për vit dhe kështu do të bëhet ai më i madh në botë. Pjesa e ndërtuar deri tani do të shërbejë 90 mln. udhëtarë. Ndërtimi i objektit nuk ka kaluar pa probleme. 500 veta ishin arrestuar gjatë protestave të organizuara për shkak të rasteve të shumta të vdekjes në aksidente të ndryshme në punë dhe për shkak të kushteve të këqija të punës në kantier. Jetën e tyre gjatë ndërtimit kanë humbur 30 punëtorë.

Përpiloi: Manuell Savov

Përgatiti në shqip: Jordanka Ivanova

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD