Transformimi digjital – sfida e re përpara turizmit bullgar

Autor:
Foto: BTA

Transformimi digjital në turizëm qe tema bazë e diskutimit, organizuar nga Bordi Kombëtar i Turizmit i Ministrisë së Turizmit në Sofje. Morën pjesë shumë ekspertë dhe sipërmarrës, të cilët parashtruan përvojën e vet dhe problemet, me të cilat ndeshen, sa i përket imponimit dhe promovimit të Bullgarisë si “një destinacion me katër stina” në tregun evropian dhe botëror. Mendimi i përgjithshëm qe se është i domosdoshëm aktualizimi i strategjisë kombëtare për turizëm, të përshtatur me digjitalizimin në sektor dhe IT realitetet e reja.

Zëvendës-kryetari i Bordit Kombëtar në turizëm Martin Zahariev, rikujtoi dhe për ndryshime të tjera urgjente, të vonuara me vite, të cilat pengojnë për zhvillimin tonë si një destinacion turistik:

Ka nevojë për një hartë të re të prezantimit digjital të itinerareve tona ekologjike – destinacione me këmbë, me biçikleta ose me kuaj dhe po kështu dhe ato të verës dhe spa. Është i domosdoshëm përpunimi i internet sajtit modern me sistem personal të rezervimit, ridizajnimi i profileve të vendit në rrjetet sociale, një përditësim i rregullt i informacionit në portalin tonë zyrtar turistik, krijimi dhe mirëmbajtja e spoteve të informacionit dhe  reklamim i pikave kryesore hyrëse në vend. Shumë i rëndësishëm është planifikimi dhe realizimi i onlajn fushatave për popullarizimin e llojeve të ndryshme të turizmit, si për shembull – ai i festivaleve. Në Bullgari ka afro 370 festivale, që është një magnet i madh për turistët tanë dhe të huaj. Dhe jo në vend të fundit duhet të jetë partneriteti me operatorët mobilë, gjë e cila të mund të lejojë reklamimin e Bullgarisë si destinacion turistik, për shembull me një njoftim, i cili të përshëndesë me “mirë se vini” çdo një të huaj i cili ka mbërritur tek ne.

Studimet Ndërkombëtare tregojnë se, gjatë vitit 2017, 46% nga turistët në Evropë kanë organizuar pushimet e veta onlajn. Prognozat janë se, gjatë 2 vjetëve të ardhshme, kjo përqindje do të arrijë deri më 60. Kjo i dedikohet më tepër prezantimit të mirë dhe pranisë së forcuar  të shteteve, të cilat prezantojnë shërbimet e veta turistike dhe kureshtjet onlajn. Ministria e turizmit e kupton rëndësinë e onlajn pranisë, duke punuar me ngulm në këtë drejtim. Për këtë dëshmon projekti i suksesshëm, sipas fjalëve të ministres Angjellkova për një aplikim mobil I love Bulgaria, që përmban informacion për objektet turistike dhe kureshtjet natyrore nga të gjitha krahinat e vendit. Aplikacioni është duke u përdorur aktivisht prej 16 000 vetave në muaj.

Ministrja e Turizmit shpalli dhe një shërbim të ri, të krijuar në dobi të biznesit:

Pavarësisht nga fakti se Ministria e Turizmit është një nga ministritë më të reja, ajo do të jetë një nga administratat e reja, të cilat do t'i lejojnë biznesit, përveç nënshkrimit elektronik, të përdorë dhe identifikim përmes fytyrës, në mënyrë që dokumentet, të cilat jepen të mund të formohen dhe përmes telefonave të mençur. Kjo do të lehtësojë sipërmarrësit dhe investuesit, kurse ofrimi i shërbimeve të ndryshme administrative, do të bëhet për një periudhë më të shkurtër kohe. Beta-versionin e këtij shërbimi, do ta paraqesim në mesin e muajit nëntor.”

Për të shënuar kontributin e dukshëm në zhvillimin e turizmit të institucioneve të ndryshme dhe të figurave publike në mënyrë adekuate, Bordi Kombëtar i Turizmit zgjodhi të mbyllë ngjarjen, me dhënien e dekoratave vjetore për një kontribut më të rëndësishëm në fushë. Dekorata përbën një statuetë, në të cilën është e paraqitur një monedhë me trëndafil. Simboli nuk është i zgjedhur rastësisht, me qenë se pikërisht kjo lule e shkëlqyer ka zbukuruar monedhën e gjetur rreth qytetit Kazanllëk. Mes të dekoruarve qenë bashkitë Kazanllëk dhe Pomorie, si dhe disa të përditshme kombëtare, për shkak të fushatave të tyre, të lidhura me popullarizimin e objekteve të ndryshme turistike dhe ruajtjen e trashëgimisë kulturore.

Përgatiti në shqip: Nataniela Vasileva

Më shumë nga rubrika

Një itinerar bullgar i pelegrinazhit do të lidhë qytetin Veliko Tërnovo me manastirin e Rillës

Në lidhje me 550-vjetorin nga kthimi i lipsanëve të Shën Joan Rillskit nga qyteti Veliko Tërnovo në manastirin e Rillës  gjatë muajit korrik, turistë do të kalojnë nëpër itinerarin, nëpër të cilin janë transportuar eshtrat e shenjtorit. Ideja për këtë..

botuar më 19-03-24 9.30.PD

Veliko Tërnovo i tërheq turistët me program të pasur kulturor në javën e festës së vet

Evente të larmishme gjejnë vend në programin e Veliko Tërnovos me rastin e festës së qytetit 22 mars. Një nga theksat është koncerti me 21 mars i Big Band-it të Vekliko Tërnovos bashkë me “Junior Band” pranë shkollës së mesme “Emilian Stanev” me..

botuar më 19-03-21 2.36.MD

Një aplikacion mobil i orienton turistët për ngjarjet dhe kuriozitetet në Plovdiv

Gjatë disa viteve të fundit Plovdivi është duke tërhequr një seri investitorësh të huaj, të cilët po krijojnë baza prodhimi në zonën ekonomike të qytetit. Kjo kontribuon si për pakësimin e papunësisë në regjion, ashtu dhe për reklamën e Plovdivit në..

botuar më 19-03-15 12.09.MD