Kuvendi Popullor e miratoi në lexim të parë projektin për buxhetin shtetëror për vitin e ardhshëm. Kjo u bë me votat e partisë GERB, të “Patriotëve të Bashkuar”, të një deputeti nga “Volja” dhe të një deputeti të pavarur. “Kundër” votoi grupi parlamentar i Partisë Socialiste Bullgare dhe Lëvizja për të Drejtat dhe Liritë.

Prioritetet e buxhetit të ardhshëm janë politika sociale, arsimi, mbrojtja dhe politika e të ardhurave. Sipas parashikimeve deficiti do të jetë 0.5% prej Produktit të Brendshëm Bruto, kurse rritja e PBB-së – 3,7% për shkak të investimeve më të forta publike dhe konsumit të rritur publik, norma e të cilit pritet se do të mbetet 3,5% në periudhën 2020-2021. Sipas prognozave papunësia do të ulet deri më 4,8%. Borxhi shtetëror pritet se gjithashtu do të shënojë ulje – nga 22,2 mlrd. leva për vitin 2019 deri më 22,0 mrld. leva në fundin e vitit 2021.