Me program interesant dhe momente të paharrueshme për publikun dhe interpretuesit përfundoi Plovdiv xhaz fest-2018

Edicioni i katërt i Plovdiv Jazz Fest propozoi një program të pasur me koncerte dhe ekzekutime në klubet e natës, një klasë frymëzuese mjeshtërore, takime me artet e ndryshme... E gjithë kjo – në 5 ditët e festivalit me përjetime të shkëlqyera për publikun në çdo një prej tyre.

Për interpretuesit bullgarë të xhazit çdo një forum i ngjashëm është jo vetëm një “kurdisje e orës” (që të gjithë e bëjnë vazhdimisht dhe pa një shkak special), por dhe mundësi të takohen me kolegë dhe të ekzekutojnë së bashku. Për pjesëmarrësit e huaj, pavarësisht nga rangu i tyre, shpesh festat e tilla janë mundësi të kuptojnë se në vendin tonë të vogël xhazi e ka publikun e vet siç edhe tradita të pasura.

Akoma gjatë natës së parë Eliane Elias /një nga interpretueset më të mira të muzikës së Antonio Jobim/ i kënaqi pritjet më të larta. Këngëtare dhe pianiste, mbajtëse e dekoratës “Grami” disa herë gjatë viteve 80 të shekullit të kaluar ,ajo është pjesë e grupit të jashtëzakonshëm “Steps Ahead”. Incizon dhe me bashkëshortin e saj të parë – trumpetisti Randy Brecker. Bashkëshorti i saj i dytë – basisti Marc Johnson është me të sot e kësaj dite edhe në jetë edhe në skenë. Së bashku ishin ata dhe në qytetin e Plovdivit. Ju jeni një publik i shkëlqyer, nuk prisja që mund të bëhet një koncert i tillë! Ju faleminderit! – u përgjigj braziliania e zjarrtë duartrokitjeve të shumta.

СнимкаDena Derose – po kështu këngëtare dhe pianiste, ekzekutoi me një trio prej muzikantëve bullgarë të cilët kanë përfunduar studimet në Prince Claus Conservatoire në Groningen të Holandës. Përveç 12 albumeve të saj, ajo ka dhe një stazh të pasur si pedagoge në universitete prestigjioze. Me ftesë të “Groove Atelier” ajo zhvilloi tek ne disa klasa mjeshtërore, një prej të cilëve në qytetin e Plovdivit.

Mora vesh se ky është një festival fare i ri, por e organizojnë  shumë mirë – tha Dena. Është gjë e shkëlqyer të jem një pjesë prej tij. Sapo dëgjova një bend prej muzikantëve bullgarë (duke pasur parasysh bandën “Beli, zeleni, çerveni”– “Të bardhët, të blertët, të kuqtë” – shën. red.) qenë të shkëlqyer, prekën thellë zemrën time. Njerëzit këtu e pëlqejnë xhazin, dhe kjo shikohet. Unë jam për herë të parë këtu, por kisha studentë nga Bullgaria. Isha pedagoge në Groningen në periudhën 2000 -2010 dhe në këtë periudhë aty erdhën për të mësuar Atanas Popov, Nikolla Gorjallov, Dimitër Ljolev, Boris Taslev Petrov e të tjerë. Akoma atëherë ata më bënë përshtypje si muzikantë. Ekzekutova me disa prej tyre në programin e festivalit dhe e shikoj se vazhdojnë të zhvillohen dhe e duan me shpirt këtë muzikë. Shpresoj se do të kemi dhe mundësi të tjera. Do të doja përsëri të vijë në Bullgari, këtu është me të vërtetë shumë bukur.”

СнимкаNë një nga klubet e natës dëgjuam Hristo Jocovin dhe “Jazz Cats” në një projekt që e vazhdon punën e lidhur me albumin e tyre të parë që doli para dy vitesh.

Aktualisht ky është projekti mbi të cilin punoj dhe atij ia përkushtoj tërë kohën time. – shpjegoi Hristo. Ideja lindi në mënyrë fare spontane, falë takimit tonë me saksofonistin Arnau Garrofé Farràs (spanjolli jeton prej disa vitesh në Bullgari). “Macet”(“Cats”) doli se është një bashkëpunim i suksesshëm edhe nga pikëpamja e marrëdhënieve tona profesionale edhe nga pikëpamja e qëndrimit të përbashkët ndaj muzikës. Në skenë ndihemi mirë sepse shikojmë reagimet e publikut, njerëzit pëlqejnë pikëpamjen tonë ndaj xhazit. Vitin e kaluar prezantuam “Macet 1” në këtë festival dhe sivjet me prezantimin e kësaj që e kemi bërë me “Macet 2” përsëri para publikut të Plovdivit u binda se projekti ynë ka potencial për një album të ri. Më pëlqen shumë puna e drejtoreshës artistike të festivalit Mirosllava Kacarova, sepse bashkë me muzikantët e huaj ajo u jep mundësi edhe grupeve bullgare të prezantojnë artin e tyre. Kështu talentet e reja bullgare ndiejnë se janë partnerë të denjë të emrave të mëdhenj të muzikës xhaz.

Në programin e festivalit ishte përfshirë dhe duoja Vllatko Stefanovski dhe Teodosij Spasov, adhuruesit e të cilëve erdhën në qytet posaçërisht për shkak të koncertit të tyre.

Dave Holland dhe Chris Potter

Koncertet më të shumëpritura ishin ai i “Dave Holland Quartet” me mysafir Chris Potter, dhe ai i Jan Garbarek me mysafir Trilok Gurtu – emra të shkëlqyera, me të cilat mund të krenohet secili festival të muzikës xhaz.

Përgatiti në shqip: Nataniella Vasileva

Foto: plovdivjazzfest.com

Më shumë nga rubrika

Koncert i Vesko Panteleevit-Eshkenazit dhe i Martin Panteleevit

Gjithnjë e më shpesh e quajmë stinën e 90-të të Filarmonisë së Sofjes “yjore” – dhe kjo e ka arsyen e vet, duke pasur parasysh programin e pasur, ku janë përfshirë dhjetëra emra të njohur nga skena bullgare dhe nga ato botërore. Sot, më 18 prill, do të..

botuar më 19-04-18 12.38.MD

Electronic Dreams - një projekt i ri i Mirosllava Kacarovës

Më 17 prill në Sofje dhe më 18 në qytetin e Plovdivit, Mirosllava Kacarova do të prezantojë një projekt të ri të titulluar Electronic Dreams. Ai i është kushtuar bashkëunitetit  midis instrumenteve akustike dhe mjeteve elektronike. Këngëtarja  ka..

botuar më 19-04-17 1.06.MD

Angjell Zaberski-biri: “Improvizimi më jep liri...”

Angjell Zaberski-biri dhe trioja e tij prezantojnë albumin e vet të ri me koncert më 18 prill, në sallën numër 6 të Pallatin Kombëtar të Kulturës. Like Jazz-Volume 2 është albumi i tretë i përbashkët i xhaz pianistit dhe “kameleonëve muzikorë”, siç..

botuar më 19-04-16 1.21.MD