Paga mesatare mujore në vend gjatë tremujorit të vitit është 1117 leva (rreth 560 euro), konstatoi Instituti Kombëtar i Statistikave. Ajo pakësohet me 0,7për qind në krahasim me tremujorin e dytë. Megjithëse është pakësuar në krahasim me qershorin e këtij viti, paga mesatare gjatë tremujorit të tretë të vitit 2018 shënon rritje prej 7.7 për qind në krahasim me periudhën e njëjtë të vitit 2017. Puna me pagim më të lartë mesatar në muaj është lidhur me krijimin dhe përhapjen e informacionit dhe të produkteve krijuese, si dhe telekomunikacionet, përkatësisht 2 661 leva (rreth 1331 euro). Në polin tjetër është puna në hotele dhe restorante, ku paga mesatare është 707 leva (rreth 350 euro). Në krahasim me periudhën e njëjtë të vitit të kaluar paga mesatare mujore në sektorin publik rritet me 9.2 për qind, ndërsa në atë privat – me 7.3 për qind.