Në qoftë se Bullgaria vazhdon të punojë dhe bën po të njëjtat përpjekje, monitorimi  mund të përfundojë përpara fundit  të mandatit të këtij Komisioni Evropian gjatë vitit 2019. Këtë e deklaroi zëvendës-kryetari i Komisionit Evropian Frans Timmermans gjatë shpalljes së raporteve për Bullgarinë dhe Rumaninë mbi Mekanizmin e Bashkëpunimit dhe Verifikimit. Sipas raportit, Bullgaria shënon përparim rreth rekomandimeve të Komisionit nga viti 2017 - disa prej tyre konsiderohen si të kryera, kurse të tjera janë afër qëllimit. Në këtë etapë Komisioni Evropian e ndërpret pjesërisht monitorimin mbi Bullgarinë për luftën me korrupsionin dhe krimin e organizuar dhe reformën e drejtësisë.

Në raport vihet në dukje po kështu një keqësim i konsiderueshëm të mjedisit të medieve në Bullgari gjatë viteve të fundit, gjë e cila e rezikon shoqërinë nga kufizimi i qasjes tek informacioni dhe mund të ketë një ndikim negativ mbi pavarësinë gjyqësore në raste të sulmeve personale kundër gjyqtarëve përkatës në media të ndryshme.

Zëvendëskryeministrja dhe ministre e punëve të jashtme Ekarina Zaharieva shënoi se mediat nuk janë objekt i monitorimit nga ana e Brukselit. Ajo e përcaktoi raportin e Komisionit Evropian për vendin tonë si objektiv. Ministrja e drejtësisë Cecka Caçeva e vlerësoi gjithashtu raportin e Komisionit Evropian si pozitiv, objektiv dhe i cili i vlerëson qartë rezultatet e arritura dhe pakthyeshmërinë e reformave të realizuara.