Kryeministri Bojko Borisov komentoi në Këshillin e Ministrave se raporti i Komisionit Evropian për përparimin e Bullgarisë sipas Mekanizmit të Bashkëpunimit dhe Verifikimit korrespondon në mënyrë të drejtpërdrejtë me buxhetin më bujar në historinë e Bullgarisë, i cili është i favorshëm për të gjitha degët e shoqërisë. Ai nënvizoi se këto para janë fituar falë rezultateve të mira të luftimit të korrupsionit dhe kontrabandës.

Borisovi nënvizoi se për herë të parë mbyllim 3 prej gjashtë pikëve, të lidhura me temat për kriminalitetin e organizuar dhe reformën në drejtësi – diçka që në vazhdim të disa dekadave ka qenë një barrë e rëndë për secilin bullgar. Bojko Borisovi citoi fjalët e Zv.Kraetarit të KE-së Frans Timmerman, se në se Bullgaria vazhdon të ecë në këtë drejtim, mekanizmi i monitorimit nuk do të jetë i nevojshëm më dhe ai do të anulohet para përfundimit të mandatit të këtij Komisioni. Kryeministri shprehi bindjen se pas këtij raporti qeveria holandeze mund të ndryshojë pozitën e saj sa i përket temës për Zonën e Shengenit dhe Bullgarinë.

Lidhur me përkeqësimin e mjedisit mediatik në Bullgari të përmendur në raport Bojko Borisov kërkoi organizimin e diskutimeve për lirinë e mediave tek ne me pjesëmarrjen e eurokomisionerëve përkatës.

Para Radios Kombëtare Bullgare Kryetari i Parlamentit Evropian Antonio Tajani komentoi se problemi me garantimin e lirisë së mediave është aktual dhe në shtete të tjera të Bashkimit Evropian, jo vetëm në Bullgari.

Dje Frans Timmermans i kushtoi vëmendje faktit se çështja për lirinë e shprehjes dhe të mediave tek ne është jashtë Mekanizmit të Bashkëpunimit dhe Verifikimit, por ka lidhje të drejtpërdrejtë me përparimin në reformën e gjyqësorit dhe luftimin e korrupsionit.