Tashmë dihen rivalët e Bullgarisë në kualifikimet për Kampionatin Evropian të Futbollit gjatë vitit 2020. Sipas shortit të hedhur në Dublin “luanët” do të konkurrojnë me skuadrat e Kosovës, Anglisë, Çekisë dhe Malit të Zi në grupin A. Në short morën pjesë të gjitha 55 vendet-anëtare të UEFA-s. Grupet janë 10 prej 5 dhe 6 skuadrash. Ndeshjet e kualifikimeve do të mbahen nga muaji mars deri në nëntor të vitit 2019. Për herë të parë Euro 2020 do të zhvillohet në 12 qytete të tërë Evropës nga data 12 qershor deri në 12 korrik. Stadiumi legjendar “Wembley” në Londër do të jetë mikpritës i gjysmëfinaleve dhe finaleve të turneut. Euro 2020 do të shënojë 60 vjet prej themelimit të turneut kontinental.