Me shfaqjen e filmit “Kuadrati” të regjisorit Ruben Jostllund, mbajtës të çmimit “Palma e Artë” të festivalit në Kanë 2017, në Sofje realizohet iniciativa e parë “Mbrëmje të Kinemasë Evropiane”. Kjo është një nismë e re e programit “Evropa krijuese – MEDIA” që organizohet në 27 vende dhe siguron akses të lirë në sallonet e mëdha të kinemave ku shfaqen filmat më të mirë të kinemasë së sotme evropiane. Pritet, që “Mbrëmje e Kinemasë Evropiane” të tërheqë vëmendjen e adhuruesve të artit evropian të filmave dhe të mbledhë më se 7 mijë spektatorë në sallonet e kinemasë të Kontinentit të Vjetër. Shfaqjet e filmave janë në periudhën 3-7 dhjetor në të gjitha 34 sallonet e kinemasë nga vargu panevropian Europa Cinemas. Kështu njëkohësisht në 34 vende në Evropë do të shfaqen 20 filmat e përkrahur nga programi MEDIA dhe të zgjedhur nga kinematografitë vendore. Mbrëmja e kinemasë evropiane në Sofje hapet nga komisionaria evropiane Marija Gabriell më 7 dhjetor në “Shtëpinë e Kinemasë”. Spektatorët do të shikojnë filmin e përbashkët të Francës, Gjermanisë, Suedisë dhe Danimarkës “Kuadrati”, i cili përbën një shikim ironik ndaj nocioneve si art evropian, tolerancë, korrektësi politike, organizata të donatorëve etj.