Kryeministri Bojko Borisov u takua me zëvendës kryetarin e Komisionit Evropian Frans Timermans para mbledhjes së Këshillit Evropian në Bruksel. Pas takimit kryeministri tha se zoti Timermans ka inkurajuar vendin tonë për të vazhduar punën për përmbushjen e kërkesave për ndërprerjen e mekanizmit të bashkëpunimit dhe verifikimit. Gjatë bisedimeve u diskutua edhe çështja për zgjerimin e Shengenit. Kryeministri Borisov shprehu shpresë se qeveritë e vendeve anëtare, që kanë qëndrim negativ ndaj pranimit të Bullgarisë dhe Rumanisë në Shengen, do t’u përgjigjen në mënyrë të motivuar shqetësimeve të shtetasve të tyre. Të dy ata diskutuan edhe ndryshimet në ligjin bullgar për luftimin e korrupsionit, të cilat do të lejojnë konfiskimin e pronës me prejardhje jo të qartë edhe pas ndërprerjes së procedurës penale kundër pronarit.