Gjatë vitit 2018 Misho Bëzhev i cili i bie fizarmonikës feston solemnisht tre përvjetorë të rëndësishëm: 80 vjetorin e lindjes së vet, 70 vjetorin muzikor dhe 35 prej këtyre viteve – veprimtari incizuese. Afro 100 janë incizimet e muzikantit të njohur, të regjistruara në fondin e Radios Kombëtare. Repertori i tij përfshin valle dhe kërcime karakteristike për rajonet veriore të Bullgarisë. Teknikën e vet instrumentale ai e demonstron shkëlqyeshëm dhe në incizimet e këngëve të njohura dhe folklorit ballkanik. Marramendëse është besnikëria e tij ndaj stilit të interpretimit, i cili është tepër karakteristik për rajonet e qyteteve Lloveç dhe të Trojan. Kurse muzika e tij është aq frymëzuese, se i detyron menjëherë ata që e dëgjojnë të hedhin valle në një ritëm të përbashkët.
Emri i Misho Bëzhevit është emblema e muzikës e veriut. Ai ka lindur në qytetin Aprillci, në rrethin e Lloveçit dhe deri më sot vazhdon t’i bie fizarmonikës e tij të dashur si solist, por dhe si instrumentist shoqërues të grupeve të të kënduarit në krahinën e tij të lindjes. Ka mundur të kultivojë këtë dashuri ndaj muzikës dhe tek djemtë e tij. Venci, pavarësisht se është inxhinier për nga arsimi këndon në kor, kurse Hristoja është muzikant dhe koncert-mjeshtër në orkestrën frymore të qytetit Lloveç.
Misho Bëzhev tregon momente shumë të dashura dhe kyçe të cilat kanë shënuar rrugën e tij krijuese:
“Që në moshën 3 vjeçare i bija harmonikës së gojës, kurse shokët e mi dhe më të moshuarit kapeshin në valle. Më vonë vazhdova të ekzekutoja me duar, por sytë e mi ishin drejtuar fizarmonikës. Mësuesi im në gjeometri po kështu luante në fizarmonikë. Në moshën 12 vjeçe tanimë kisha fizarmonikë dhe isha shoqëruesi i parë instrumental i korit të nxënësve në krahinën tonë. Jeta ime kaloi dhe kalon dhe sot e kësaj dite me shokun tim të shtrenjtë dhe të dashur – fizarmonika. Kurrë nuk jam ndarë me të dhe do të ekzekutoj derisa të jem i gjallë. Gjatë vitit 1953 Boris Karllov ka mbërritur në qytetin Aprillci dhe ka pyetur për muzikantin më të madh në këtë krahinë. I kanë treguar dajën tim Gjeorgji Sëbçev – drejtues i 3 orkestrave frymore gjatë asaj kohe. Ai e ka pritur në shtëpinë e tij për 20 ditë me radhë. Atëherë munda ta dëgjoj dy herë dhe u frymëzova së tepërmi. Që atëherë dhe unë fillova të ëndërroja të ekzekutoja valle të mia, të cilat të tingëllojnë si tonat, si të veriut. Në mënyrë, e cila të pasqyrojë jetën, muzikën e krahinës sonë. Kishte një traditë në Radion Kombëtare Bullgare – në çdo datë 1 të zhvillohen dëgjime për interpretues të radios. Më 1 qershor 1972 u paraqita dhe unë. Pas dëgjimit Kosta Kolev, i cili ishte në juri: “Fusha jote është e artë, por ka dhe barëra të këqija. Duhet të vish tek unë, që t’i shkulim. Ti je një krijues i ardhshëm dhe prej teje do të presim shumë incizime”. Pasi miratuan tre prej valleve të mia, vitin tjetër më 14 prill 1973 i incizova. E para qe “Vallja e drejtë e Lloveçit”. Për jubileun tim në gazetën të qytetit tonë “Lloveç-pres”doli një artikull i madh kushtuar mua. Në klubin e veprimtarëve të kulturës u zhvillua një festë për nderin tim. Morën pjesë interpretues tanë nga qyteti Lloveç: Maria Petrova e cila është një nga këngëtaret e para të këngëve të vjetra të qytetit, Ilijan Dimitrov, Illko Mihov, fizarmonisti i mirë dhe shoku im i shtrenjtë Naabi Ali. Ishte një festë e shkëlqyer, po vazhdoj të marr përshëndetje prej kolegëve dhe adhuruesve.”
Përgatiti në shqip: Nataniela Vasileva
Pas një pauze dhjetëvjeçare, ylli i estradës bullgare, Lili Ivanova, do të mbajë sërish një koncert të madh në Bruksel. Ngjarja është më 6 mars në orën 20:00 me orën lokale në sallën legjendare "Flagey" të kryeqytetit belg dhe është nën patronazhin e..
Një nga grupet më të njohura dhe më të dashura të rokut bullgar – B.T.R., gjatë vitit 2024 shënon 30 vjetorin e tij. Muzikantët e festuan këtë përvjetor në fund të vitit të kaluar me një koncert të madh, i cili u prit me shumë interes nga publiku. Në..
Dy interpretues të rinj, por tashmë të njohur - Hristijana Dankova dhe Kristijan Jankullov - prezantojnë këngën e tyre të parë të përbashkët "Më jep dashuri". Kjo baladë e bukur pop i kushtohet dashurisë,të cilën sot rrallë e gjejmë në formën e..
Për më shumë se gjashtë dekada, 27 mars shënohet si Dita Botërore e Teatrit. Kjo datë festohet me ngjarje të ndryshme kushtuar teatrit në mbarë botën,..
SLNG është një nga grupet që kontribuuan në muzikën moderne bullgare në fillim të mijëvjeçarit të ri. Pas vdekjes së frontmenit Dimi Ekimov, SLNG u..