Bullgaria dalëngadalë po hyn në epokën e autotransportit modern – 1.9 mlrd euro për rrugët gjatë vitit 2019

Foto: BGNES

Rrugët në Bullgari janë një problem i madh edhe për popullsinë, edhe për autoritetet. Ato thjeshtë janë shumë larg përfytyrimit modern për rrugët dhe automjetet, ndërsa në Bullgari parku prej automjetesh tejkalon 2.7 mln kundrejt popullsisë bullgare prej nën 7 mln vetash. Sipas vetë autoriteteve rreth 40 për qind e rrugëve në vendin tonë janë në një gjendje të pakënaqshme.

Qeveria tregon se është e qartë me këtë gjendje kritike dhe bën çmos që të gjejë para për përballimin e problemit. Gjatë këtij viti ua dha dritë jeshile remonteve, rekonstruksioneve dhe ndërtimit të rrugëve të reja me gjatësi 709 km prej të gjithë 20 000 kilometrave të arterieve rrugore në vend, me vlerën rekorde 1.9 mlrd euro. Pritet që me investimet e reja të imponohet tendenca pozitive e pakësimit të numrit të viktimave në aksidentet rrugore, të cilat gjatë vitit 2018 ishin 11 për qind më pak në krahasim me 2017-ën. Shkaku kryesor për katastrofat mbeten shkeljet e shoferëve, të cilëve u detyrohen afro 97 për qind e aksidenteve në rrugë. Mirëpo, kjo që nuk na thuan të dhënat statistikore është rrethana se këto gabime të shoferëve në jo pak raste janë shkaktuar nga vrimat e autostradave dhe të rrugëve tona.

Gjatë 2019-ës duhet të përparojë ndërtimi i autostradave në vend. Në fakt deri tani në Bullgari ka vetëm një autostradë të ndërtuar krejtësisht – kjo është “Trakia” (Bullgari Jugore), nga Sofja deri në Burgas pranë bregut të Detit të Zi. Po vazhdon ndërtimi i autostradës “Hemus” (Bullgari Veriore), e cila është pothuajse paralelisht me “Trakia”. Ndërtimi i saj ishte filluar para disa dekadash dhe ishte braktisur shumë herë. Tani flitet se ajo do të jetë krejtësisht gati deri në vitin 2024. Për këtë vit qeveria livroi suplementarisht 690 mln euro nga teprica buxhetore. Autostrada do ta lidhë kryeqytetin e Sofjes me kryeqytetin tonë detar Varna në bregun e Detit të Zi. Po përparon me tempe të shpejta ndërtimi i autostradës “Struma”, e cila është një prej itinerareve më të ngarkuara, duke e lidhur kufirin bullgaro-gek në jug me kryeqytetin e Sofjes në veri. Në qoftë se gjithçka zhvillohet sipas planit përdorimi i autostradës duhet të fillojë gjatë 2023-ës dhe radhët e gjata prej dhjetëra mijëra veturash të turistëve rumunë, bullgarë, grekë, maqedonas dhe serbë duhet të mbeten në të kaluarën.

Pavarësisht se sa të këqija janë rrugët në vend, një pjesë jo e vogël prej tyre mirëmbahet nëpërmjet remonteve kozmetike, ose atyre më të mëdha. Ato kushtojnë jo pak mjete dhe prandaj çdo një shofer bullgar duhet të disponojë pullë për taksë rrugore (vignettet). Që nga ky vit ato bëhen elektronike, por çmimet e tyre nuk ndryshojnë në krahasim me vitin e kaluar. Përveç kësaj që nga vera e 2019-ës pritet aplikimi i sistemit TOL për kamionët. Të gjithë shpresojnë për grumbullimin e një resursi më të madh financiar, të domosdoshëm për mirëmbajtjen e rrjetit rrugor.

Megjithë vonesën me rreth gjysmë shekulli në krahasim me Evropën e zhvilluar, Bullgaria dalëngadalë avancon dhe po hyn në epokën e transportit automobilistik të shpejtë, të sigurte dhe ekologjik.

Përgatiti në shqip: Vesella Mançeva

Më shumë nga rubrika

Për çfarë kursejnë bullgarët?

Kursimi është një tipar karakteristik i bullgarit. Këtë e tregojnë studimet e ndryshme , më i riu prej të cilëvestudion shkaqet që bashkatdhetarët tanë të ndajnë “para të bardha për ditë të zeza”. Analizuesja financiare Desisllava Nikollova e cila..

botuar më 19-06-25 2.20.MD
Tomisllav Donçev në konferencën “Biznesi dhe regjionet”

Bashkitë e vogla dhe aktive regjistrojnë rritje më të madhe të punësimit dhe të ardhurave

Me rëndësi kyçe për zhvillimin e regjioneve janë zonat industriale, është kategorik Zv.Kryeministri Tomisllav Donçev. Më të larta janë pagat në rajonet me punësim më të madh, tregojnë analizat e Institutit të Ekonomisë së Tregut...

botuar më 19-06-24 2.16.MD

250 vende të reja pune hap një firmë për prodhim të sistemeve klimatike në Bozhurishte

Furnizuesi për një nga kompanitë më të mëdha të automobilave Behr-Hella Thermocontrol investoi 16.2 milionë euro /31,6 milionë leva/ për zgjerimin e uzinës së vet në Bullgari, e cila gjendet në zonën ekonomike të lagjes Bozhurishte të kryeqytetit. Në këtë..

botuar më 19-06-22 10.25.PD