Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Tension në lidhje me tregtinë e karburanteve në Bullgari

Foto: BGNES

Shoqata kombëtare e tregtarëve dhe transportuesve të karburanteve, e cila bashkon pothuaj 100 firma, që këtë javë fillon protestë të “jelekverdëve”. Janë planifikuar demonstrime në të gjitha qytetet e mëdha dhe bllokimi i pikave të kontrollit kufitar, informoi për Radion Kombëtare Bullgare zëdhënësi i saj Simo Simov. “Njerëzit janë të dëshpëruar, luftojnë për bukën e gojës”, shpjegoi ai.

Arsyeja për këtë tension është Ligji për karburantet, i cili duhet të hyjë në fuqi në fundin e janarit dhe i cili sipas Simovit vendos kushte të papërballueshme dhe shumë barriera para firmave të vogla. Për këtë arsye përfaqësuesit e Shoqatës e cilësojnë atë si “korruptues” dhe në favor të kompanive të mëdha. Për biznesin e vogël kërkesa për 20 mijë leva (10225.84 EUR) kapital themeltar dhe akoma aq para për garanci bankare, siç edhe kërkesa për deponimin e 10 mijë bombolave për mbushje me gaz, janë shpenzime tepër të larta, duke pasur parasysh xhirot e firmave. Shoqata do të insistojë për pezullimin e ligjit dhe për shqyrtimin e urdhëresës për zbatimin e tij nga Gjykata. Është informuar Komisioni evropian për shkeljen e legjislacionit antitrust dhe kundër korrupsionit. 

„Kohët e fundit në Bullgari protesta shndërrohet në formën kryesore të pjesëmarrjes demokratike, mekanizmat e zakonshme institucionale të pjesëmarrjes politike nuk funksionojnë normalisht, partitë parlamentare nuk mbrojnë interesat e qytetarëve, sepse lobistët diktojnë punën e institucioneve”, komenton në intervistë për Radion Kombëtare Bullgare politologu Strahill Delijski. Ai është kategorik se “jelekverdhët” bullgarë nuk do të jenë si ata francezë dhe sipas tij protesta e tyre mund të përdoret për qëllime politike.

„Pjesa më e madhe e popullsisë ka probleme me korrupsionin, por edhe me gjendjen e vet sociale dhe ekonomike. Duhet të them se aktualisht në mënyrën, në të cilën po funksionon sistemi në Bullgari, ai nuk mund të sjellë ndonjë rezultat tjetër, përveç thellimit të pabarazisë dhe dallimeve në shpërndarjen e resursit publik brenda duarve të një pjese shumë të vogël të shoqërisë. Dhe kjo është në dëm të njerëzve të zakonshëm që përbëjnë pjesën më të madhe të shoqërisë” – nënvozoi Delijski. Sipas tij njerëzit në Bullgari sikur janë mësuar me ushtrimin e pushtetit jo në përputhje me vizionit strategjik politik, por në përputhje me nevojat e grupeve të përcaktuara sociale. Qeveritarët i përdorin këto ndarje sociale, kurse mungesa e argumenteve konceptuale politike na vendos në një situatë, në të cilën çdo një vendim i qeveritarëve mund të kontestohet.

Sipas fjalëve të politologut kjo protestë dhe këto kërkesa provokojnë pyetje të tjera: pse makinat u bënë mjeti kryesor për lëvizje dhe punë, respektivisht për gjendjen e transportit urban, për shpërpjesëtimet e zhvillimit ekonomik etj.

„Në një moment të tillë mjafton diçka e vogël – për shembull pakënaqësia e lidhur me taksat mbi automjetet e vjetra, apo akciza për karburantet, në mënyrë që ky lëmsh i tensioneve të prishet e të shkaktojë shpërthim” – ishte kategorik Starhill Delijski para mikrofonit të Radios Kombëtare Bullgare.

Përpiloi: Elena Karkallanova

Përgatiti në shqip: Jordanka Ivanova

Më shumë nga rubrika

Anëtarësimi i Bullgarisë në NATO - 20 vjet më vonë

Sot mbushen saktësisht 20 vjet që kur Bullgaria u bë anëtare e plotë e NATO-s. Dhe nëse vendimi do të merrej sërish sot, 56% e bullgarëve do të votonin që vendi ynë të mbetet anëtar i Aleancës, ndërsa 28% janë të mendimit se duhet të jetë jashtë paktit...

botuar më 24-03-29 6.00.PD
Automjeti luftarak i këmbësorisë amerikane

Kontroll i BNR-së: A po transportohen tanqe përmes territorit tonë në Ukrainë?

Që nga fillimi i luftës në Ukrainë, lëvizja e pajisjeve ushtarake në territorin e Bullgarisë shpesh ka shkaktuar komente dhe deklarata në hapësirën online, lidhur me shqetësimet për përfshirjen e Bullgarisë në veprimet ushtarake. Një vit më parë, për..

botuar më 24-03-27 7.20.PD

Radan Kënev për Parlamentin e ardhshëm Evropian dhe debatin e vonuar evropian në Bullgari

Pak muaj para zgjedhjeve evropiane, të cilat do të mbahen në të gjithë BE-në midis 6 dhe 9 qershorit, dhe në kontekstin e pasigurt politik bullgar, Radan Kënev, eurodeputeti nga grupi PPE (Partia Popullore Evropiane), i zgjedhur nga lista e DB-së..

botuar më 24-03-26 7.30.PD