Pozita dhe opozita po mobilizohen për zgjedhjet e ardhshme

Foto: dnevnik.bg

Partia më e madhe në koalicionin qeverisës – GERB dhe partia më e madhe opozitare – Partia Socialiste Bullgare ndezin motorët për zgjedhjet e ardhshme akoma gjatë këtij muaji, shkruan gazeta “Dnevnik”. Në mbledhjen kombëtare më 20 janar në Sofje udhëheqja qendrore e GERB-it do t’ua japë strukturave qendrore udhëzime për zhvillimin e zgjedhjeve për deputetë në Parlamentin Evropian, siç edhe për zgjedhjet vendore. Një javë më vonë – më 26 janar në Pallatin Kombëtar të Kulturës në Sofje kongresi i Partisë Socialiste Bullgare do t’i miratojë platformat partiake për zgjedhjet evropiane dhe për zgjedhje eventuale (të parakohshme) parlamentare. Në të dy partitë detyra më e ngutshme është përcaktimi i listës së kandidatëve për deputetë evropianë. Kjo do të bëhet në strukturat vendore, por renditja përfundimtare - në Komitetin Ekzekutiv të GERB-it dhe përkatësisht në Zyrën Ekzekutive të Partisë Socialiste.

Në GERB që tani pritet se në krye të listës do të jetë Eurokomisionerja aktuale Maria Gabriel, kurse ndër socialistët ka tension lidhur me këtë çështje. Sipas informacionit jozyrtar Kryetari i Partisë së Socialistëve Evropianë Sergej Stanishev nuk do të jetë në krye të listës dhe tani për tani flitet se do të kërkohen kandidatë të pavarur.

Pritet se më 20 janar udhëheqja qendrore e GERB-it do t’i ngarkojë strukturat vendore me pasqyrën e anëtarëve aktivë të partisë dhe me zhvillimin e trajnimeve për anëtarë të seksioneve rajonale dhe qendrore të komisioneve zgjedhore. Detyra e tyre do të jetë që të “luftojnë” lajmet e rreme, duke ofruar informacion për veprimet reale të qeveritarëve. Për zgjedhjet evropiane partia do të hapë një fushatë me moto “Evropa në shtëpinë tonë”, e cila do të informojë njerëzit për këtë se çfarë është bërë në Bullgari falë solidaritetit evropian.

Shtabi zgjedhor kombëtar i Partisë Socialiste Bullgare tashmë ka hartuar projekt për platformë për zgjedhjet evropiane. Në të socialistët deklarojnë se janë kundër “Evropës së dy shpejtësive” dhe insistojnë për pjesëmarrje më të madhe të njerëzve të rinj në vendimet për të ardhmen e Kontinentit të Vjetër. Platforma do të diskutohet në Këshillin Kombëtar të Partisë këtë të shtunë dhe varianti i saj përfundimtar do të miratohet në kongresin e 26 janarit. Pritet se atëherë do të votohet dhe një dokument tjetër: “Vizioni për Bullgarinë”. Në të do të përfshihen dhe propozimet e organizatave joqeveritare dhe qytetarëve dhe ideja është që ai të përdoret si platformë zgjedhore për zgjedhjet e ardhshme parlamentare.

Sipas studimit të fundit të agjencisë “Alfa Research” në zgjedhjet për Parlamentin Evropian gjatë majit GERB do të marrë 37.2% të votave, kurse Partia Socialiste – 34.3%. Analistët e pavarur komentojnë se përveç zgjedhjeve për Parlament Evropian dhe për pushtet vendor, është e mundshme që të zhvillohen dhe zgjedhje parlamentare, por mendojnë se kjo do të varret më së shumti nga rezultatet në zgjedhjet evropiane.

Përpiloi: Stoimen Pavllov

Përgatiti në shqip: Jordanka Ivanova

Më shumë nga rubrika

Drama para zgjedhjeve në Bullgari për Parlament Evropian

Zgjedhjet në Bullgari për Parlamentin Evropian do të zhvillohen më 26 maj dhe deri atëherë mbeten 67 ditë. Regjistrimi i listave me emrat e kandidatëve duhet të mbahet jo më vonë se 32 ditë para ditës zgjedhore, ndërsa për shumicën e forcave..

botuar më 19-03-19 2.45.MD

Marrëdhëniet me Rusinë varen nga faktorët e jashtëm dhe pas vizitës së Kryeministrit Medvedev në Bullgari

Më 4 dhe 5 mars Kryeministri i Rusisë Dmitri Medvedev ishte në Bullgari për një vizitë zyrtare, e cila ishte ngarkuar me pritje të larta paraprake. Kishte supozime për zhvillime pozitive sa u përket ideve për degëzimin e gazsjellësit “Rryma Turke” përmes..

botuar më 19-03-06 2.44.MD

Vizita të nivelit të lartë në Bullgari riaktivojnë pozita të njohura proatlantike dhe proruse të pushtetit

Sekretari i përgjithshëm i NATO-s Jens Stoltenberg mbërriti ditën e enjte për vizitë në Bullgari pasi mori pjesë në samitin e iniciativës B-9 në Sllovaki. Në takimin në fjalë Bullgaria u paraqit nga Presidenti Rumen Radev, ndërsa ai komentoi atje..

botuar më 19-03-01 3.55.MD