Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Një veterinеr dhe vajza e tij e vogël u sjellin jetë të re luleve të thata


Disa pikë aromatike dhe një kupë me lule të thata. Vetëm 2 komponentë i kanë qenë të nevojshëm doktorit Zdravko Dimitrov që të krijojë një biznes, i cili tanimë 18 vjet i sjellë kënaqësi dhe gëzim nga afërsia me krijimet e bukura të botës e cila na rrethon.

Kur i përfundon studimet në veterinari, mjeku i ri nga qyteti Veliko Tërnovo nuk mundet të gjejë punë në bazë të specializimit të tij dhe fillon të merret me tregti. Një ditë  duke u çuditur se çfarë të bëjë pas banakut, ai vë nga disa pika nga aroma “Kopshti me lule” mbi një tufë të thatë lulesh në një shishe prej qelqi, kurse një klient i tërhequr nga aroma kundërmuese, menjëherë kërkon që ta blejë. Dhe në këtë mënyrë  vihet fillimi i biznesit me lule të thata dhe aromatike, të cilin dhe deri më sot tek ne e zhvillon vetëm familja e doktorit Zdravko Dimitrov. “Produkti përfundimtar aromatik ka emrin e vet francez – pot pourri, ose një përzierje prej llojeve të ndryshme të luleve të thata”, sqaron ai.

Kompozicione prej luleve të thata të fushës, të ngjyrosura me bojëra të parrezikshme dhe natyrale me esenca zvicerane tërheqin me një aromë dhe bukuri joshëse klientët me një shije më fine. Buqeta në shishe prej qelqi, në shporta të vogla, në dhurata të vogla me formën e biçikletave – këto janë vetëm një pjesë nga artikujt, të cilat i punon familja e doktorit.

Lulet më të bukura janë këto, të cilat ne i mbledhim në pranverë dhe gjatë verës, por ato janë dhe më pak rezistuese. Dhe që të mos të copëtohen lehtë, filluam të vëmë dhe gjethe më rezistuese – prej eukalipti dhe të tjera në formë shkurre. Kurse druri e mban më mirë aromën, prandaj shtuam dhe lloje të pemëve” – zbulon recetën e suksesshme të buqetës kundërmuese doktori Zdravko Dimitrov. Në të, gërshetohen tërfil, limonim, kokrra lisi, degë ulliri, myshk, boçe bredhi e të tjera. Por, përveç një gëzimi për sytë, lulet e thata mund të ngrenë dhe frymën përmes efektit terapeutik të aromave – portokall për lumturi, kanellë për lehtësim, ambër për qetësi.

Nëpër fusha ose në shtëpi – pranë doktorit qëndron ndihmësja e tij më e besuar, vajza e tij 13 vjeçe Stella. Përveç se merret me balet dhe me trupën e saj “Baletino” fiton dekorata të shumta, ajo ëndërron një ditë të bëhet mjeke,  si babai i vet, por humane, kurse në kohën tjetër të vazhdojë biznesin me lule.

Stella është nga ata, të cilët pëlqejnë të bëjnë çdo gjë – të ngjisë, të rendisë diçka vazhdimisht – thotë babai i vajzës. Por jo vetëm ajo marr pjesë në biznes, por dhe bashkëshortja ime, si dhe djali im më i vogël. Në një moment vura re, se vajzës kjo të merret me lule i sjellë një kënaqësi të madhe, prandaj vendosa që ajo të marrë një përgjegjësi më të madhe në biznesin tonë familjar. Kështu krijova markën e saj personale, të cilën ia dhurova për ditëlindjen e saj të 12, dhe shpresoj se një ditë ajo ta zhvillojë edhe më tej. Dhe me të vërtetë ajo i pranoi seriozisht gjërat dhe tani merr pjesë në të gjitha fazat – në mbledhjen, tharjen, renditjen dhe bojatisjen e luleve. Por më fortë është në tregti dhe kur shkojmë të shesim, ajo është në vijën e frontit dhe aty ka sukses.

Doktori Zdravko Dimitrov thotë se, është një njeri i lumtur, sepse merret me dy nga dashuritë e tij më të mëdha përveç familjes – kafshët dhe lulet.

Gjithmonë kam dashur të bëhem një veteriner, në fakt kjo qe dhe ëndrra ime fëmijërore – shton ai. Dhe sot e kam kabinetin tim personal në qytetin Veliko Tërnovo, i cili më sjellë një kënaqësi të madhe. Kurse lulet erdhën fare rastësisht . Kishte periudha, kur situata ekonomike qe e keqësuar dhe njerëzit nuk donin të dinin për lule. Por, me kalimin e kohës rezistuam, tani ka një rilindje dhe tregu po zhvillohet. Ta vazhdosh, bile dhe pas vdekjes së saj, jetën e një luleje është që ajo të të sjellë gëzim me bukurinë e vet, me rregullimin, me aromën e vet, kjo është gjëja, e cila me të vërtetë të sjellë kënaqësi.”

Përgatiti në shqip: Nataniela Vasileva

Foto: arkiv personal

Më shumë nga rubrika

Të rinjtë bullgarë janë ndër njerëzit më të lumtur në botë

Bullgaria është në vendin e 81-të për nga lumturia në botë , duke u përmirësuar me katër pozicione krahasuar me vitin e kaluar në studimin e Rrjetit të Kombeve të Bashkuara për zgjidhje të zhvillimit të qëndrueshëm, i cili mbulon 143 vende dhe..

botuar më 24-03-20 9.16.PD

UNICEF dhe BNR do të punojnë së bashku për një të ardhme më të mirë për fëmijët bullgarë

Një nga meritat më të mëdha të radios është aftësia e saj për të treguar histori. Nga sot Radioja Kombëtare Bullgare (BNR) dhe UNICEF-i po bashkojnë forcat për të folur për problemet me të cilat përballen fëmijët bullgarë dhe për të ndihmuar..

botuar më 24-03-18 5.55.MD
Patriku Neofit

Bullgaria vajton bariun e saj shpirtëror

Na la një person vërtet të ndritur, një baba shpirtëror dhe bari i popullit tonë - Patriarku i dashur Neofit. Priftërinjtë e Peshkopatës së Ruses, e cila për 19 vite drejtohej nga Gjyshi Neofit, e pritën me pikëllim të madh lajmin për vdekjen e tij. At..

botuar më 24-03-16 8.35.PD