Pas debateve të ashpra dhe të shumëllojshme Parlamenti bullgar miratoi nisjen e bisedimeve me SHBA për blerjen e aeroplanëve të rinj gjuajtës F-16V Block 70. Vendimi u mor me votat e deputeteve të partisë në pushtet GERB, të deputeteve të VMRO dhe të Partisë opozitare Lëvizja për të Drejta dhe Liri. Kundër u shpallën nga PSB, partia “Volja” dhe Fronti Kombëtar për Shpëtimin e Bullgarisë. Mbi bazën e ofertës amerikane parashikohet që kontrata për këta aeroplanë të tejkalojë shumën prej  920 mln eurosh të parashikuar në fillim për blerjen e një aeroplani të ri luftarak, sipas standardeve të NATOS, si dhe të ndryshohet afati i furnizimit  dhe mënyra e pagimit. Në ekipin negociator do të marrin pjesë ministrat e mbrojtjes, ekonomisë, punëve të jashtme dhe financave.