Akuzat për korrupsion gjatë riparimit të Llargos së Sofjes po vazhdojnë

Foto: BGNES

Java e kaluar përfundoi, kurse kjo po fillon me një skandal mjaft të mprehtë midis deputetes nga Partia Socialiste Bullgare Elena Jonçeva dhe ministrit të kulturës Boill Banov, lidhur me akuzat e Jonçevës ndaj Banovit për shpërdorime gjatë remontit të qendrës përfaqësive të kryeqytetit bullgar, të njohur si “Llargoja” e Sofjes.

Ditën e diel Jonçeva i ripohoi akuzat e veta duke deklaruar, se incizimet e shpallura publikisht prej saj, në të cilat zëvendës-ministri i dikurshëm, kurse tani ministër i kulturës Boill Banov, këshillon sesi të zgjatet afati për rinovimin e Llargos, janë autentike. Po kështu gjatë ditës së diel, Banovi deklaroi në faqen e vet zyrtare në Facebook se incizimet janë të manipuluara, autori i tyre i ka bërë shantazh tanimë 4 vjet, por ai nuk ka dhënë sinjal, me qenë se shantazhi nuk ka qenë i drejtpërdrejtë. Në intervistën e vet dje Jonçeva premtoi që sot do të dorëzojë në zyrën evropiane kundër mashtrimeve OLAF, si dhe në prokurori, sinjale dhe dëshmi për shkelje. Në fakt, prokuroria tanimë vetë ka nisur hetimin e çështjes së denoncuar nga Jonçeva dhe për të cilën ajo ishte marrë në pyetje gjatë ditës së premte. Kryeministri  refuzon të komentojë konkretisht rastin, por gjatë ditës së diel mori një qëndrim ndaj tij duke i quajtur akuzat “një lajm i rremë” dhe paralajmëroi se “në qoftë se konfrontimi nuk pushon, do t’i pengojë secilit që i fiton në zgjedhjet”.

Tema dominon në faqet e mediave të sotme bullgare. Gazeta “Sega” vë në faqen e vet të parë titullin, se “Tatimpaguesit kanë paguar shtrenjtë e më shtrenjtë për remontin e Llargos”. Sipas botimit, që të mos t’i kthehen para Bashkimit Evropian, Ministria e kulturës ka paguar për një objekt të papërfunduar, kurse pas kësaj në mënyrë suplementare ka harxhuar miliona për forcimin e objektit dhe ndërtimin e sistemit të kanalizimit. Dokumente, me të cilat gazeta “Sega” disponon, zbulojnë një sërë veprimesh, të cilat favorizojnë sipërmarrësin e shërbimit të objektit dhe janë padyshim në dëm të autoritetin kontraktues në personin e Ministrisë së Kulturës. Kurse sajti “Mediapool” e vë theksin mbi faktin se katër ditë pas shpërthimit të skandalit, kryeministri Borisov refuzon të komentojë temë dhe i ka këshilluar politikanët “me kujdes t’i masin fjalët e tyre”. Bën përshtypje se mbase për shkak të situatës së ngatërruar dhe në pritje të rezultateve të hetimit, pjesa më e madhe e gazetave preferojnë t’u përmbahen me përpikëri deklaratave të deputetes Elena Jonçeva dhe ministrit Boill Banov, pa komente të veçanta.

Përpiloi: Stoimen Pavllov

Përgatiti në shqip: Nataniela Vasileva

Më shumë nga rubrika

Festa e gjellës më bullgare është në fshatin Smiljan

Një tas me gjellën e ngrohtë më karakteristike dhe të shijshme bullgare do të mbledhë në festën e Rodopeve adhuruesit e fasules së fshatit Smiljan. Edhe sikur të vijnë miq nga i gjithë vendi për çdonjërin do të ketë nga një tas nga specialiteti i cili e..

botuar më 19-10-17 2.02.MD

Inceneratori në Sofje ngre pyetje pa përgjigje të qarta

Djegia e mbetjeve në Sofje mendohet nga Komuna e Sofjes dhe “Ngrohja Qendrore Sofja” akoma që nga viti 2008. Që atëherë deri tani, bashkia nuk i ka parasysh zhvillimet pozitive në legjislacionin për menaxhimin e mbeturinave në Bashkimin Evropian, as në..

botuar më 19-10-14 5.11.MD
Foto: EPA/BGNES

Ngjarjet me adresë ballkanike

Shqipëria, Serbia dhe Maqedonia e Veriut janë duke u përgatitur për një “Shengen të vogël” Në Novi Sad Presidenti i Serbisë Aleksandër Vuçiç dhe kryeministrat e Maqedonisë së Veriut dhe të Shqipërisë Zoran Zaev dhe Edi Rama u morën vesh për..

botuar më 19-10-14 1.19.MD