Më 10 shkurt mbushen 140 vjet nga hapja e punës së Kuvendit të Madh Popullor të shtetit të porsaçliruar bullgar nga zgjedha osmane. Seanca e parë u organizua më 10 shkurt të vitit 1879 nga komisari perandorak princ Aleksandër Dondukov-Korsakov, i cili udhëhiqte pushtetin e përkohshëm rus deri në formimin e institucioneve bullgare.

Kuvendi kishte për qëllim të hartojë dhe të miratojë strukturën e ardhshme shtetërore të Principatës së porsaçliruar të Bullgarisë. 229 ishin përfaqësuesit popullorë, të cilët përfunduan me sukses punën e tyre më 16 prill të po këtij viti, me miratimin e Kushtetutës së Tërnovos. Dokumenti afirmonte vlerat demokratike të popullit bullgar dhe u kthye në bazën juridike të formimit të shtetit bullgar.

Historianët e caktojnë Kushtetutën e Tërnovos si një nga kushtetutat më moderne dhe më demokratike për atë kohë.