Një ekspozitë ndërkombëtare e bletarisë në Pleven prezanton risitë në sektor

Mbi 150 firma nga 22 vende marrin pjesë në edicionin e XVII të Ekspozitës Ndërkombëtare “Bletaria – Pleven 2019” që zhvillohet nga 7 deri në 10 shkurt. Prodhues kryesorë nga Austria, Kanadaja, Italia, Gjermania, Anglia, Polonia, Serbia, Turqia, Greqia, Kina, Finlanda, Franca, Bosnja e Hercegovina, Kroacia, SHBA-ja, Rusia, Suedia, Spanja, Rumania, Sllovenia, Hungaria, Pakistani paraqitin risitë e fundit në fushën e pajisjeve dhe inventarit të bletarëve. Ekspozita, që vazhdon katër ditë, përsëri do të vizitohet nga grupe të organizuara bletarësh nga regjione të ndryshme të vendit dhe nga Rumania, Serbia, Kroacia, Greqia, Maqedonia, Qiproja dhe Turqia.

Me ftesë të posaçme të kryetarit të bashkisë së Plevenit Georg Spartanski gjatë vizitës së tij në Manastir në fillim të muajit nëntor, për të parin vit me radhë marrin pjesë 50 bletarë nga qyteti i vëllazëruar maqedonas i Plevenit. Gjatë ditëve të para të ekspozitës do të nënshkruhet një marrëveshje për bashkëpunim me bletarët e Plevenit.

Sipas traditës ekspozita ka një program shoqërues, që përfshin prezantime dhe debate mbi tema aktuale në bletari. Lektorët nga Gjermania, Franca, Polonia, Serbia, Rumania, Rusia dhe Bullgaria do të paraqitin risi, tendenca dhe aspekte në këtë degë.

Mesatarisht Bullgaria prodhon 10 000 tonë mjaltë në vit. Pjesa mbizotëruese prej këtij prodhimi (7000 – 8000 tonë) realizohet jashtë. Për modernizimin e bletarisë në Bullgari në kuadrin e programit për sektorin që nga viti 2008 deri tani bletarët bullgarë kanë marrë ndihmë prej rreth 38 mln levash (rreth 19 mln euro), tha Sillvija Vasileva, shefe e drejtorisë “Blegtoria” në Ministrinë e Bujqësisë, Ushqimeve dhe Pyjeve:

Kjo që është me rëndësi dhe duhet të thuhet për sektorin është se kemi një tendencë të qartë të rritjes së familjeve të bletëve gjatë disa viteve të fundit. Krijuam një bazë normative. Sigurisht që ajo duhet të ndryshohet në kohë, sepse të gjithë ne zhvillohemi, por problemet e bletarëve bullgarë tashmë janë të krahasueshme me ata të bletarëve të tjerë në BE. Aktualisht mund të flitet për një karakter krejt të ndryshëm të bletarisë bullgare – ajo zhvillohet si një veprimtari më vete. Po pakësohet numri i bletarëve, të cilët merren me këtë veprimtari që t’i shtojnë të ardhurat e tyre.

Bullgaria ka bërë oferta në fushën e bletarisë, të cilat mund të realizohen në nivel evropian – për tërë BE-në. Këtë e deklaroi në Pleven eurodeputeti Momçill Nekov – përfaqësues i Komisionit të Bujqësisë dhe të Zhvillimit të Rajoneve Rurale në Parlamentin Evropian.

Kjo që mund të bëjmë posaçërisht për Evropën është që të promovojmë mjaltin e Evropës. Duke pasur parasysh faktin se mjalti ynë është më cilësor, duhet të dihet qartë se cili mjaltë është evropian dhe cili nuk është. Sipas legjislacionit të tanishëm në qoftë se importohet për shembull 99 për qind mjaltë kinez, ai mund të përzihet me 1 për qind prej mjaltit bullgar dhe në etiketë të shkruhet: përzierje prej mjaltit evropian dhe prej mjaltit jashtë Bashkimit Evropian. Kjo që ne duam është që të shkruhet shteti i prejardhjes së mjaltit, si dhe raporti. Në këtë mënyrë ne do t’i informojmë shumë qartë konsumatorët.

Ditën e fundit të ekspozitës – më 10 shkurt, kur është Dita e Bletarit, do të dorëzohet Çmimi i madh i organizatorëve nga Partners Ekspo, i siguruar nga administrata e rrethit të Plevenit – plaketa “Krahu i suksesit” për “Risitë në bletari”. Organizatorët do të dorëzojnë dhe një dekoratë për “Bletar të ri më të suksesshëm të Bullgarisë gjatë vitit 2018”. Mbi 700 piktura nga mbarë bota mbërritën në Pleven për konkursin “Bletaria – ekologjia dhe pjelloria, mjalti – shëndet dhe jetëgjatësi”. Piktorët e vegjël më të mirë gjithashtu do të dekorohen. Për herë të parë zhvillohet dhe një konkurs fotografik kushtuar bletarisë me çmime nga organizatorët. 

Përgatiti në shqip: Vesella Mançeva

Foto: arkiv personal

Më shumë nga rubrika

Politizimi i projekteve energjetike shkakton probleme në sektor

Ka ardhur koha që politizimi i projekteve në fushën e energjetikës të pakësohet – rreth këtij mendimi u bashkuan ekspertët energjetikë nga Bullgaria, Turqia, Serbia dhe Rusia në një debat në Sofje për zhvillimin e projekteve të gazit në Ballkan...

botuar më 19-04-22 1.18.MD

Prognoza optimiste për ekonominë dhe ruajtja e rolit kyç të arsimit

Nuk ka arsye të pritet krizë ekonomike gjatë dy viteve në vijim. Rritje e ekonomisë, edhe pse e ngadaltë, po regjistrohet si në Bullgari, ashtu dhe në Evropë dhe SHBA. Por madje të ketë një krizë të re, ajo do të krijonte mundësi për investime..

botuar më 19-04-19 3.45.MD
Ura e Danubit 2 midis Vidinit dhe Kalafatit

Bullgaria dhe Rumania u morën vesh për ndërtimin e urës së tretë mbi lumin Danub

Kryeministri Bojko Borisov shpalli fillimin e ndërtimit të Urës së Danubit 3 midis Bullgarisë dhe Rumanisë. Për shkak të vijës hekurudhore në të dyja anët e lumit u preferua varianti i cili i lidh qytetet Svishtov dhe Zimnicea. Sipas prof. Marin..

botuar më 19-04-17 2.11.MD