A janë befasi surprizat në tenis – Sofia Open 2019

Daniil Medvedev
Foto: BGNES

Forca dhe atraktiviteti i një turneu në tenis nuk matet me vendin në ranglistën botërore të pjesëmarrësve të tij. Ky nuk është një postulat, por konkluzion, i cili mund të bëhet pas fundit të edicionit të katërt të Sofia Open, turne i kategorisë ATP-250.

Me të vërtetë, sportistët e vendosur më lart në skemën kryesore qenë jashtë Top10: rusi Karen Haçanov – 11, sensacioni grek Stefanos Cicipas – 12, një rus tjetër, Daniil Medvedev – 16, spanjolli Roberto Bautista Agut – 18. Të tjerët u mblodhën në qindëshen e parë të botës, midis tyre spikasin emrat e Fernando Verdasko, Gael Monfis, Stan Vavrinka, Robin Haase, por dhe lojtarë të tillë, të cilët gjatë stinëve të fundit spikasin me paraqitjen e tyre në fushë. 

Të tunduarit nga ky sport e dinë se, këta lojtarë janë kripa e tenisit. Ata i ofrojnë befasitë. Këtu për shembull akoma në ndeshjen e parë i vëni nën numrin një Haçanov qe i kaluar në lojë nga italiani i ri Mateo Beretini, i cili në rrethin e parë deklasoi një lojtar tjetër të titulluar  si Denis Istomin-një rus etnik nga Uzbekistani. Pyetja është a ishte kjo befasi, duke u parë se, Beretini arriti deri në gjysmëfinalen pas fitores mbi Verdaskon, kurse aty qe i mposhtur nga një gjysmëfinalist tjetër – “befasim” – Marton Fuçoviç nga Hungaria.

Një nga emrat, të cilat e përmbushnin sallën “Arena Armeec” në Sofje ,qe ky i Stefanos Cicipas. Ylli i ri 20 vjeçar i tenisit botëror dhe gjysmëfinalist i sivjetshëm nga Kampionati i Hapur i Australisë qe i vënë nën numrin 2 në skemën bazë dhe i konsideruar si favorit për titullin. Por, mjerisht në çerekfinalen “luftëtari i vjetër” Gael Monfis i rikujtoi se çfarë loje është tenisi dhe e deklasifikoi në dy sete. Ai u nda me Sofjen në një mesazh të posaçëm në gjuhën bullgare në profilin e vet në Istagram: “Jeta është  një varg prej përshëndetjesh dhe ndarjesh. Po kam frikë se përsëri ka ardhur kohë për të kërkuar lamtumirë!” Dhe me një gjë tjetër do të mbahet mend pjesëmarrja e Cicipasit. Për ndeshjet e tij nga Greqia u derdhën rreth 10 autobusë me bashkatdhetarë të tij, të cilët e “mbanin nëpër duar” përfshi dhe pas humbjes së tij të shpejt. Kjo na bëri për të menduar për qëndrimin tonë ndaj Grigor Dimitrovit – nga lavdërimi i tij deri tek – “kryqëzoje”! Por, kjo nuk është diçka e re.

Gael Monfis në radhë të vet “hëngri drurin” nga Daniil Medvedev në gjysmëfinalet. Rusi luajti në mënyrë stabile, pothuajse pa gabim, gjatë gjithë javës midis 3 dhe 10 shkurtit dhe në fund triumfoi me kupën. Në ndeshjen finale gjatë ditës së diel ai nuk i dha shans Marton Fuçoviçit, i cili po kështu u prezantua shumë mirë.

Për pjesëmarrjen bullgare mund të shënohet se përfundoi akoma në startin e rrethit të parë. Pjesëmarrësit në skemën bazë me “Uajld kart” (me të drejtën e mikpritësve) Dimitër Kuzmanov dhe Adrian Andreev, pas një lojë jo të keqe humbën përkatësisht nga Robin Haase nga Holanda dhe Matju Ebdën nga Australia. Do të mbahet mend pjesëmarrja e bullgarit të tretë – 22 vjeçi Aleksandër Llazarov, i cili hyri në skemën bazë pas dy fitoreve në kualifikimet dhe luajti një ndeshje të mirë kundër Fernando Verdasko.

Përgatiti në shqip: Nataniela Vasileva

Më shumë nga rubrika

Grigor Dimitrov largohet nga turneu në Monte Karlo

Bullgari Grigor Dimitrov humbi dy setet /4-6, 1-6/ e ndeshjes së raundit të tretë të turneut të tenisit në Monte Karlo kundër Rafael Nadalit. Me kaq Grigori e përfundon pjesëmarrjen e vet në turne. Rezultati i ndeshjes është absolutisht i njëjtë si ai i..

botuar më 19-04-19 9.40.PD

Grigor Dimitrov mposhti Struff, do të luajë kundër Nadal

Tenisti bullgar Grigor Dimitrov u klasifikua për raundin e tertë të turneut në Monte Karlo, duke mposhtur gjermanin Jan-Lenard Struff me rezultat 7:6 (2), 6:4. Në raundin tjetër Dimitrov do të luajë kundër spanjollit Rafael Nadal. 

botuar më 19-04-18 9.59.PD

Katrin Taseva në krye të ranglistës në shumëgarësh

Pas dy kupave të para botërore të gjimnastikës ritmike – në Pesaro (të Italisë) dhe në Sofje (të Bullgarisë), bullgarja Katrin Taseva  po qëndron në krye të ranglistës botërore në shumëgarësh me 70 pika. Pas saj me nga 50 pika janë ruset Aleksandra..

botuar më 19-04-18 9.23.PD